వాషింగ్టన్, ఏప్రిల్ 4: ప్రపంచంలోనే తేలికైన పెయింట్ను అమెరికాలోని సెంట్రల్ ఫ్లోరిడా యూనివర్సిటీకి చెందిన శాస్త్రవేత్తలు తయారుచేశారు. ఎలాంటి రంగు లేకుండా ఉండే ఈ ప్లాస్మోనిక్ పెయింట్ను ఏ రంగులోకి అయినా సులువుగా మార్చుకోవచ్చని, ఇది వందల ఏండ్ల పాటు అలాగే ఉంటుందని శాస్త్రవేత్తలు పేర్కొన్నారు. ప్రస్తుతం ఉన్న పెయింట్ల తయారీకి భిన్నమైన రసాయనాలను వినియోగించి దీనిని తయారుచేశారు. ఈ పెయింట్ను తయారుచేసిన బృందానికి యూనివర్సిటీలోని నానోసైన్స్ టెక్నాలజీ సెంటర్ ప్రొఫెసర్ దెబాశిస్ చందా నేతృత్వం వహించారు.
సీతాకోకచిలుకలను స్ఫూర్తిగా తీసుకొని ఈ పెయింట్ను తయారుచేసినట్టు ఆయన తెలిపారు. కేవలం లోహాలు, ఆక్సైడ్లను ఉపయోగించి తయారుచేసిన ఈ పెయింట్ పర్యావరణహితమైనదని పేర్కొన్నారు. సాధారణ పెయింట్తో ఒక బోయింగ్ 747 విమానానికి పెయింట్ వేయడానికి 400 కిలోలు అవసరం పడుతుందని, తాము తయారుచేసిన ప్లాస్మోనిక్ పెయింట్ అయితే కేవలం ఒక్క కిలో సరిపోతుందని తెలిపారు.