జూ నిర్వాహకుడిపై పెద్ద పాము దాడి.. వీడియో వైరల్

వాషింగ్టన్‌: ఒక జూ నిర్వాహకుడిపై పెద్ద పాము దాడి చేసింది. అయితే ఆయన దాని దాడి నుంచి తృటిలో తప్పించుకున్నారు. ఈ వీడియో సామాజిక మాధ్యమాల్లో వైరల్‌ అయ్యింది. అమెరికాలోని కాలిఫోర్నియాకు చెందిన జే బ్రూవర్ అనే వ్యక్తి స్నేక్‌ జూను నిర్వహిస్తున్నారు. ఈ నేపథ్యంలో భయంకరమైన సర్పాలతో కూడిన వీడియోలను ఆయన సామాజిక మాధ్యమాల్లో పోస్ట్‌ చేస్తుంటారు. బ్రూవర్‌ తాజాగా ఇన్‌స్టాగ్రామ్‌లో పోస్ట్‌ చేసిన ఒక వీడియో ఒళ్లు జలదరింప జేస్తున్నది. ఒక పెద్ద పాము ఆయనపై దాడి చేయగా తృటిలో తప్పించుకున్నారు. ‘వావ్! ఈ పాము ఎంత స్మార్ట్‌గా వ్యవహరించిందో చూడండి? నా దృష్టి దాని పైనుంచి పక్కకు మళ్లిన మరుక్షణమే ఎలా దాడి చేసిందో చూశారా’ అని అందులో బ్రూవర్‌ వ్యాఖ్యానించారు.

మరోవైపు ఈ వీడియో సామాజిక మాధ్యమాల్లో వైరల్‌ అయ్యింది. ఇప్పటికే 9 లక్షల మందికిపైగా దీనిని వీక్షించారు. వెయ్యి మందికిపైగా నెటిజన్లు కామెంట్లు చేశారు. ‘మీరు తృటిలో తప్పించుకున్నారు.. లేకపోతే మీ ముఖంపై పాము కాటు వేసేది’ అని కొందరు వ్యాఖ్యానించారు. 

https://www.instagram.com/p/CMZq-XJFmvj/?utm_source=ig_web_copy_link