Rain Alert | రెండ్రోజులు వర్షసూచన..

ఉపరితల ద్రోణి ప్రభావంతో గ్రేటర్‌లోని పలు చోట్ల ఈదురు గాలులతో కూడిన తేలికపాటి జల్లులు కురిశాయి.

Rain Alert | సిటీబ్యూరో, మే 4 (నమస్తే తెలంగాణ): ఉపరితల ద్రోణి ప్రభావంతో గ్రేటర్‌లోని పలు చోట్ల ఈదురు గాలులతో కూడిన తేలికపాటి జల్లులు కురిశాయి. ఈ ప్రభావంతో రాగల మరో రెండు రోజులు నగరంలోని పలు చోట్ల ఉరుములు, మెరుపులు, ఈదురు గాలులతో కూడిన తేలికపాటి నుంచి మోస్తరు వానలు కురిసే అవకాశాలున్నట్లు హైదరాబాద్‌ వాతావరణ కేంద్రం అధికారులు వెల్లడించారు.

కాగా, నగరంలో ఆదివారం ఉదయం నుంచి రాత్రి వరకు గరిష్ఠం 35.2, కనిష్ఠం 25.0 డిగ్రీలు, గాలిలో తేమ 48 శాతంగా నమోదైనట్లు వెల్లడించారు.