ఆవిర్భావ వేడుకల్లో భాగస్వామ్యం కండి

తెలంగాణ ప్రజల ఆకాంక్షలకు అనుగుణంగా రాష్ట్రం ఏర్పడి పదేళ్లవుతున్న నేపథ్యంలో ఘనంగా రాష్ట్ర ఆవిర్భావ దిన వేడుకలు జరుపుకుంటున్నట్లు రాష్ట్ర మంత్రులు పొన్నం ప్రభాకర్‌, జూపల్లి కృష్ణారావులు తెలిపారు.

కంటోన్మెంట్‌/కవాడిగూడ, జూన్‌ 1: తెలంగాణ ప్రజల ఆకాంక్షలకు అనుగుణంగా రాష్ట్రం ఏర్పడి పదేళ్లవుతున్న నేపథ్యంలో ఘనంగా రాష్ట్ర ఆవిర్భావ దిన వేడుకలు జరుపుకుంటున్నట్లు రాష్ట్ర మంత్రులు పొన్నం ప్రభాకర్‌, జూపల్లి కృష్ణారావులు తెలిపారు. సికింద్రాబాద్‌ పరేడ్‌ మైదానంలో ఆదివారం జరగనున్న తెలంగాణ ఆవిర్భావ వేడుకల ఏర్పాట్లను రాష్ట్ర మంత్రులు పొన్నం ప్రభాకర్‌, జూపల్లి కృష్ణారావులు శనివారం పర్యవేక్షించారు. వేడుకల నిర్వహణతో పాటు ట్రాఫి క్‌ ఇబ్బందులు ఎదురవకుండా పోలీసులు చేపడుతున్న బందోబస్తు వివరాలను మంత్రులకు నార్త్‌జోన్‌ డీసీపీ రోహిణి ప్రియదర్శిని వివరించారు.

ఈ సందర్భంగా మంత్రులు మాట్లాడుతూ, తెలంగాణ కోసం ఉద్యమించిన ప్రతి పౌరుడు, కుల సంఘాల జేఏసీ, తెలంగాణ సమాజం ఆర్టీసీ, సింగరేణి, జర్నలిస్ట్‌లు, ఎన్జీవోలు, రిటైర్డు ఉద్యోగులు, కళాకారులు, ఉపాధ్యాయులు, విద్యార్థులు, తెలంగాణ ఆకాంక్షలను అందరూ గమనించాలని సూచించారు. ప్రతి తెలంగాణ బిడ్డ ఉత్సాహంగా జరుపుకోవాలని, అందరూ భాగస్వాములు కావాలని పిలుపునిచ్చారు. కార్యక్రమంలో మేయర్‌ గద్వాల విజయలక్ష్మి, ఎమ్మెల్యే దానం నాగేందర్‌, రాజ్యసభ సభ్యులు అనిల్‌ కుమార్‌ యాదవ్‌, ఫైనాన్స్‌ కార్పొరేషన్‌ చైర్మన్‌ రాజయ్య పాల్గొన్నారు.