చిన్నారిపై వీధి కుక్క దాడి

నాలుగేండ్ల చిన్నారిపై వీధి కుక్క దాడి చేసి గాయపరిచింది. దుండిగల్‌ విలేజ్‌లోని కొరివిబస్తీకి చెందిన శ్రీలత, విజయ్‌ దంపతుల కూతురు అనన్య శు

దుండిగల్‌, ఏప్రిల్‌ 12: నాలుగేండ్ల చిన్నారిపై వీధి కుక్క దాడి చేసి గాయపరిచింది. దుండిగల్‌ విలేజ్‌లోని కొరివిబస్తీకి చెందిన శ్రీలత, విజయ్‌ దంపతుల కూతురు అనన్య శుక్రవారం ఉదయం ఇంటి ముందు ఆడుకుంటుండగా ఓ వీధి కుక్క దాడి చేయడంతో గాయపడింది. గమనించిన స్థానికులు కుక్కను అక్కడి నుంచి వెళ్లగొట్టారు. కుటుంబసభ్యులు బాలికను ఆస్పత్రికి తీసుకెళ్లి చికిత్స చేయించారు. విషయం తెలుసుకున్న మున్సిపల్‌ కమిషనర్‌ సత్యనారాయణరావు బ్లూక్రాస్‌ సంస్థ కు సమాచారం ఇచ్చారు.

ఆ సంస్థ ప్రతినిధులు అక్కడికి చేరుకొని వీధి కుక్కలను పట్టుకెళ్లారు. అనంతరం కమిషనర్‌ బాధిత కుటుంబాన్ని పరామర్శించారు. గ్రామంలో కుక్కల బెడద లేకుండా చర్యలు తీసుకుంటామన్నారు. ఎక్కడైనా వీధి కుక్కల బెడద ఉంటే తమ దృష్టికి తీసుకురావాలంటూ.. 99487 95556, 90300 95839, 95427 15377 నంబర్లకు ఫోన్‌ చేయాలని సూచించారు.