కార్మికుల శ్రమ దోపిడీ

పర్యాటక స్థలాల్లో పారిశుధ్య కార్మికులు శ్రమ దోపిడీకి గురవుతున్నారు..టెండర్‌ నిబంధనలు ఉల్లంఘిస్తూ పారిశుధ్య పనులు దక్కించుకున్న ఏజెన్సీలు ఇష్టారీతిన వ్యవహరిస్తున్నారు. కాగితాల్లోనే కార్మికులకు ఈపీఎఫ్‌, ఈఎస్‌ఐల సౌకర్యం కల్పిస్తున్నారే తప్ప క్షేత్రస్థాయిలో కార్మికుల ప్రాణాలతో చెలగాటం ఆడుతున్నారు.

• తక్కువ మందితో పనిచేయిస్తూ ఎక్కువ మంది పేరిట బిల్లులు డ్రా
• పర్యాటక ప్రాంతాల్లో నిబంధనలు ఉల్లంఘిస్తున్న ఏజెన్సీలు
• ఈఎస్‌ఐ, ఈపీఎఫ్‌లు చెల్లించకుండా మోసం
• ఫిర్యాదు చేసినా పట్టించుకోని జీహెచ్‌ఎంసీ

సిటీబ్యూరో/చార్మినార్‌, నవంబర్‌ 30 (నమస్తే తెలంగాణ ): పర్యాటక స్థలాల్లో పారిశుధ్య కార్మికులు శ్రమ దోపిడీకి గురవుతున్నారు..టెండర్‌ నిబంధనలు ఉల్లంఘిస్తూ పారిశుధ్య పనులు దక్కించుకున్న ఏజెన్సీలు ఇష్టారీతిన వ్యవహరిస్తున్నారు. కాగితాల్లోనే కార్మికులకు ఈపీఎఫ్‌, ఈఎస్‌ఐల సౌకర్యం కల్పిస్తున్నారే తప్ప క్షేత్రస్థాయిలో కార్మికుల ప్రాణాలతో చెలగాటం ఆడుతున్నారు.అంతేకాకుండా చేసిన పనికి తగ్గట్టుగా వేతనాలు చెల్లించకపోవడం..తక్కువ కార్మికులతో పనిచేయిస్తూ ఎక్కువ మంది పేరిట బిల్లులు డ్రా చేస్తున్నారు. జీహెచ్‌ఎంసీ పారిశుధ్య విభాగంలోని ఉన్నతాధికారుల సహకారంతో పారిశుధ్య నిర్వహణ బాధ్యతలు తీసుకుంటూ దోపిడీకి తెరలేపడం గమనార్హం.

పర్యాటక ప్రాంతాల్లో మెరుగైన సౌకర్యాలు కల్పించడంతోపాటు పారిశుధ్య నిర్వహణలను మరింత మెరుగ్గా నిర్వహిస్తామని చెప్పిన జీహెచ్‌ఎంసీ తమ సిబ్బందిని కాదని ప్రైవేట్‌ సంస్థలకు టెండర్లు కట్టబెట్టింది. చార్మినార్‌, సాలార్జంగ్‌ మ్యూజియం, చౌహమల్లా ప్యాలెస్‌, జూ పార్‌ ఇలా పాతనగరంలోని పర్యాటకులు అధికంగా సందర్శించే ప్రాంతాలను కేటగిరీల వారీగా విభజించి ఎక్సోరా సంస్థకు పారిశుధ్య నిర్వహణ పనులను అప్పగించింది. ఈ సంస్థ పనితీరు బాలేదని గతంలోనే గుర్తించిన జీహెచ్‌ఎంసీ ఈ సంవత్సరం టెండర్‌ రెన్యువల్‌ చేయకుండా మరో సారి టెండర్లు పిలువాలని ప్రయత్నించింది. కొందరి ఉన్నతాధికారుల అండదండలతో మళ్లీ పారిశుధ్య నిర్వహణ పనులను పొందింది. అయితే అధికారుల సహకారంతో టెండర్లు దకించుకున్న సదరు సంస్థ 24 గంటలు పర్యాటక ప్రాంతాల్లో పారిశుధ్య నిర్వహణ పనులు చేపడతామని హామీ ఇచ్చింది. కానీ క్షేత్ర స్థాయిలో మాత్రం ఆ పనులను కాగితాలకే పరిమితం చేశారు. పర్యాటక ప్రాంతాల్లో మచ్చుకు ఒకరోజైనా కనిపించింది లేదని అధికారులు పేర్కొంటున్నారు.

నిబంధనలు బేఖాతరు..

సిబ్బంది నియామకంలోనూ సదరు ఏజెన్సీ ప్రతినిధులు తమదైన తీరును ప్రదర్శిస్తూ శ్రమ దోపిడీకి గురి చేస్తున్నారన్న ఆరోపణలు ఉన్నాయి.చార్మినార్‌ వద్ద నిర్వహించే పారిశుధ్య పనుల నిర్వహణ కోసం ఒప్పందం ప్రకారం ఉదయం 22 మంది సిబ్బంది, మధ్యాహ్నం 12 మంది, రాత్రి విధుల్లో 8 మంది సిబ్బందిని నియమించాలి. కానీ ఉదయం 14 నుంచి 16 మంది మాత్రమే విధుల్లో కొనసాగిస్తున్నామని స్వయంగా సంస్థ సూపర్‌ వైజర్లు నమస్తే తెలంగాణకు ఎంతమంది సిబ్బందితో పనులు చేయిస్తుందో మాకు అవసరం లేదు. మా ఒప్పందం ప్రకారం వారికి అప్పగించిన ప్రాంతాల్లో పారిశుధ్యం కొనసాగుతుందా? లేదా? అన్నదే మా బాధ్యత.. పారిశుధ్య నిర్వహణ సరిగ్గా లేకపోలే వారికి ఛలానా విధిస్తామని చెప్పడం విశేషం వెల్లడించడం గమనార్హం.

మధ్యాహ్నం 8 మంది, రాత్రి మరో 8 మందితో మకా మసీదు, లాడ్‌ బజార్‌, సర్దార్‌ మహల్‌, గుల్జార్‌ హౌజ్‌ మార్గాల్లో పనులను చేయిస్తున్నారని వివరించారు. కాగా కార్మికులకు ఇచ్చేది అరకొరే వేతనాలే అని తెలుస్తున్నది. టెండర్‌ నిబంధనల ప్రకారం ఒక్కో కార్మికుడికి జీతం రూ.19,800లుగా నిర్ధారించినా చేతికి అందేది మాత్రం రూ.17వేల పైచిలుకు మాత్రమేనని కార్మికులు చెబుతున్నారు. మరో 2వేలు ఎకడా అని సిబ్బంది ప్రశ్నిస్తే మాత్రం ఈఎస్‌ఐ, పీఎఫ్‌ వద్దా? అంటూ సదరు సంస్థ మేనేజర్లు తిరిగి బెదిరింపులకు పాల్పడుతున్నారని బాధిత కార్మికులు వాపోతున్నారు. గడిచిన మూడేళ్లుగా ఏనాడు నా పీఎఫ్‌ అకౌంట్లో సంస్థ నుంచి జమ అయ్యింది లేదని, ఈఎస్‌ఐ కార్డు వచ్చింది లేదని పలువురు సిబ్బంది చెబుతున్నారు.

– డాక్టర్‌ చక్రపాణి, చార్మినార్‌ సరిల్‌ ఏఎంహెచ్‌