T-Hub | టీ హబ్‌లో రెనాల్డ్‌ నిస్సాన్‌ ఒపెన్‌ ఇన్నోవేషన్‌ చాలెంజ్‌

T-Hub | ఆటోమొబైల్‌ రంగంలో సరికొత్త ఆవిష్కరణలు చేసే స్టార్టప్‌లకు టీ హబ్‌గా(T-Hub) అండగా నిలుస్తోంది.

సిటీబ్యూరో, మార్చి 12 (నమస్తే తెలంగాణ) : ఆటోమొబైల్‌ రంగంలో సరికొత్త ఆవిష్కరణలు చేసే స్టార్టప్‌లకు టీ హబ్‌గా(T-Hub) అండగా నిలుస్తోంది. రంగాల వారీగా స్టార్టప్‌ కార్యకలాపాలను వేరు చేసి, ఆయా రంగాలకు చెందిన కంపెనీలతోనే స్టార్టప్‌లలో పెట్టుబడులు పెట్టేలా టీ హబ్‌ చర్యలు చేపట్టింది. ఇందులో భాగంగానే ప్రముఖ ఆటో మొబైల్‌ సంస్థలైన రెనాల్ట్‌ నిన్సాన్‌లతో(Reynolds Nissan) కలిసి ఆటో మోటివ్‌ రంగంపై స్టార్టప్‌ కార్యకలాపాలు నిర్వహిస్తున్న వారికి ఒపెన్‌ చాలెంజ్‌ కార్యక్రమాన్ని నిర్వహిస్తోంది.

గ్రోత్‌ స్టేజ్‌లో ఉన్న స్టార్టప్‌లు కొత్త టెక్నాలజీ అయిన జెనరేటివ్‌ ఏఐ(ఆర్టిఫిషియల్‌ ఇంటెలిజెన్స్‌)తో పరిష్కారాలు చూపే వారు ఈ కార్యక్రమంలో పాల్గొనవచ్చని, మరిన్ని వివరాలకు ఈ కింది లింకు (https://bit.ly/3TlSTnn)లో సంప్రదించాలని టీ హబ్‌ ప్రతినిధి తెలిపారు. ఆటో మొబైల్‌ రంగంలో అత్యాధునిక టెక్నాలజీ, వ్యాపార కార్యకలాపాలను నిర్వహిస్తున్న రెనాల్ట్‌ నిస్సాన్‌ టెక్నాలజీ,బిజినెస్‌ సెంటర్‌ ఇండియా సంస్థ నగరంలో తమ శాటిలైట్‌ కార్యాలయాన్ని ఏర్పాటు చేసిందని తెలిపారు.