పీర్జాదిగూడ, డిసెంబర్ 18: పీర్జాదిగూడ మున్సిపల్ కార్పొరేషన్ పరిధి ఉప్పల్ ఆర్టీసీ డిపో సమీపంలోని మైదానంలో కొద్ది రోజుల క్రితం ఏర్పాటు చేసిన జీవన్ సాగర్ ఎగ్జిబిషన్ ఆహుతులను ఎంతగానో ఆకట్టుకుంటున్నది. వినూత్న రీతిలో ఏర్పాటు చేసిన వివిధ రకాల షాపులతో ఎగ్జిబిషన్ సందడిగా మారింది. వినియోగదారులకు అందుబాటు ధరలకే అన్ని రకాల వస్తువులను విక్రయిస్తున్నట్లు నిర్వాహకులు నారాయణ తెలిపారు.
చిన్నారుల నుంచి పెద్దల వరకు వివిధ రకాలైన ఆట వస్తువులను అందుబాటులో ఉంచామని తెలిపారు. ఎగ్జిబిషన్లో ప్రధానంగా జెయింట్వీల్, అండర్ వాటర్ ఫిష్ ఎక్వేరియం ఎంతగానో ఆకట్టుకుంటున్నాయి. సాయంత్రం 3 నుంచి రాత్రి 10 గంటల వరకు ఎగ్జిబిషన్ కొసాగుతుందని, పరిసర ప్రాంతాల ప్రజలు సద్వినియోగం చేసుకోవాలని నిర్వాహుకులు కోరుతున్నారు.