Thalasani | నెల రోజుల పాటు వేచి చూస్తాం.. ఆ తర్వాత కార్యాచరణ ప్రకటిస్తాం : తలసాని

Thalasani | అభివృద్ధి పనుల విషయంలో ప్రభుత్వం నిర్లక్ష్యంతో వ్యవహరిస్తున్నదని మాజీ మంత్రి, సనత్‌నగర్‌(Sanathnagar) ఎమ్మెల్యే తలసాని శ్రీనివాస్ యాదవ్(MLA Thalasani) అన్నారు.

హైదరాబాద్‌ : అభివృద్ధి పనుల విషయంలో ప్రభుత్వం నిర్లక్ష్యంతో వ్యవహరిస్తున్నదని మాజీ మంత్రి, సనత్‌నగర్‌(Sanathnagar) ఎమ్మెల్యే తలసాని శ్రీనివాస్ యాదవ్(MLA Thalasani) అన్నారు. గురువారం సనత్‌నగర్‌లో పర్యటించి ప్రజల సమస్యలను అడిగి తెలుసుకున్నారు. ఈ సందర్భంగా ఆయన మాట్లాడుతూ.. గతంలో అభివృద్ధి పనులు చేపట్టాలనే లక్ష్యంతో తమ ప్రభుత్వం అనేక అభివృద్ధి పనులు చేపట్టిందన్నారు.

గడిచిన 10 సంవత్సరాల్లో సనత్ నగర్ నియోజకవర్గ పరిధిలో ఎన్నడూ జరగనన్ని అభివృద్ధి పనులు చేశామని పేర్కొన్నారు. కాంగ్రెస్‌(Congress) ప్రభుత్వం ఏర్పడ్డాక అభివృద్ధి పనుల్లో స్తబ్దుత నెలకొందని విమర్శించారు. ప్రభుత్వం ఇచ్చిన హామీలు నెరవేర్చాలన్నారు. నెల రోజుల పాటు వేచి చూస్తాం. ఆ తర్వాత తగిన కార్యాచరణతో ప్రజాక్షేత్రంలోకి వెళ్లి ప్రభుత్వం పై ఒత్తిడి తీసుకొచ్చి పనులు చేయిస్తామన్నారు.