MLA Sudhir Reddy | కమ్యూనిటీ హాల్‌ నిర్మాణానికి నిధులు మంజూరు చేయిస్తా

MLA Sudhir Reddy | ప్రెస్‌కాలనీలో కమ్యూనిటీ హాల్‌ నిర్మాణానికి నిధులు మంజూరు చేయిస్తానని ఎమ్మెల్యే దేవిరెడ్డి సుధీర్‌రెడ్డి(MLA Sudhir Reddy) తెలిపారు.

మన్సూరాబాద్‌, ఏప్రిల్‌ 3: ప్రెస్‌కాలనీలో కమ్యూనిటీ హాల్‌ నిర్మాణానికి నిధులు మంజూరు చేయిస్తానని ఎమ్మెల్యే దేవిరెడ్డి సుధీర్‌రెడ్డి(MLA Sudhir Reddy) తెలిపారు. నాగోల్‌ డివిజన్‌ పరిధి ప్రెస్‌కాలనీలో బుధవారం ఆయన స్థానికులతో కలిసి పాదయాత్ర నిర్వహించి అక్కడి ప్రజా సమస్యలను తెలుసుకున్నారు. ప్రెస్‌కాలనీలో వరదనీటి పైపులైన్ల నిర్మించి ముంపు సమస్య నుంచి ప్రజలకు విముక్తి కల్పించినందుకు గాను కాలనీ సంక్షేమ సంఘం ప్రతినిధులు ఎమ్మెల్యేను ఘనంగా సన్మానించారు.

ఈ సందర్భంగా ఎమ్మెల్యే మాట్లాడుతూ.. ఎస్సీ స్మశానవాటిక చుట్టూరా ప్రహరీగోడను నిర్మింపజేయడంతో పాటు అంత్యక్రియలు జరిపేందుకు వచ్చే ప్రజలకు మౌలిక వసతులు కల్పించేందుకు చర్యలు చేప డుతానని తెలిపారు. ఈ కార్యక్రమంలో మాజీ కార్పొరేటర్‌ కొప్పుల నర్సింహారెడ్డి, నాయకులు అనంతుల రాజిరెడ్డి, తూర్పాటి చిరంజీవి, చెరుకు ప్రశాంత్‌గౌడ్‌, టంగుటూరి నాగరాజు, పోచబోయిన జగదీష్‌యాదవ్‌, విజయ్‌భాస్కర్‌రెడ్డి, భాస్కర్‌యాదవ్‌ తదితరులు పాల్గొన్నారు.