Minister KTR | దేశంలోనే మొట్టమొదటి సోలార్‌ రూఫ్‌ టాప్‌ సైకిల్‌ ట్రాక్‌ ఇదే.. ట్విట్టర్‌ ద్వారా పరిచయం చేసిన మంత్రి కేటీఆర్‌

Minister KTR | దేశంలోనే మొట్ట మొదటి సారిగా ప్రపంచ స్థాయి ప్రమాణాలతో పర్యావరణ హితంగా సోలార్‌ రూప్‌ టాప్‌ సైకిల్‌ ట్రాక్‌ హైదరాబాద్‌లో నిర్మితమైంది. గ్రేటర్‌ చుట్టూ 158 కి.మీ మేర నిర్మించిన ఔటర్‌ రింగు రోడ్డు లోపలి వైపు సుమారు 23 కి.మీ దూరంతో ఎంతో ప్రతిష్టాత్మక ప్రాజెక్టుగా హైదరాబాద్‌ మెట్రోపాలిటన్‌ డెవలప్‌మెంట్‌ అథారిటీ చేపట్టింది.

Minister KTR | దేశంలోనే మొట్ట మొదటి సారిగా ప్రపంచ స్థాయి ప్రమాణాలతో పర్యావరణ హితంగా సోలార్‌ రూప్‌ టాప్‌ సైకిల్‌ ట్రాక్‌ హైదరాబాద్‌లో నిర్మితమైంది. గ్రేటర్‌ చుట్టూ 158 కి.మీ మేర నిర్మించిన ఔటర్‌ రింగు రోడ్డు లోపలి వైపు సుమారు 23 కి.మీ దూరంతో ఎంతో ప్రతిష్టాత్మక ప్రాజెక్టుగా హైదరాబాద్‌ మెట్రోపాలిటన్‌ డెవలప్‌మెంట్‌ అథారిటీ చేపట్టింది. నిర్మాణ పనులన్నీ పూర్తి కావడంతో ఇవాళ సాయంత్రం 6 గంటలకు రాష్ట్ర ఐటీ, పరిశ్రమలు, పురపాలక శాఖ మంత్రి కేటీఆర్‌ సోలార్‌ రూప్‌ టాప్‌ సైకిల్‌ ట్రాక్‌ను ప్రారంభించనున్నారు. ఈ క్రమంలో మంత్రి కేటీఆర్‌ ట్వీట్‌ చేశారు.

23 కిలోమీటర్ల పొడవుతో 16 మెగావాట్ల సౌర విద్యుదుత్పత్తి చేసే హెల్త్‌ వేను పరిచయం చేస్తున్నానని మంత్రి కేటీఆర్‌ అన్నారు. భారత్‌లోనే ఇది మొట్టమొదటిది అని ఆయన తెలిపారు. దీని తర్వాత రెండో పొడవైన సోలార్‌ రూఫ్ టాప్‌ మార్గం దక్షిణ కొరియాలోనే ఉందని ఆయన పేర్కొన్నారు. ఇంత అద్భుతమైన సోలార్‌ రూఫ్‌ టాప్‌ సైకిల్‌ ట్రాక్‌ నిర్మాణం కోసం కృషి చేసిన హెచ్‌ఎండీఏ అధికారులను అభినందించారు. దీంతో పాటు సోలార్‌ రూఫ్‌ సైకిల్‌ ట్రాక్‌కు సంబంధించిన ఒక వీడియోను కేటీఆర్‌ ట్విట్టర్‌ ( ఎక్స్‌) వేదికగా షేర్‌ చేశారు. కాగా, ఐటీ కారిడార్‌లోని నానక్‌రాంగూడ నుంచి నార్సింగి, మంచిరేవుల మీదుగా తెలంగాణ పోలీస్‌ అకాడమీ వరకు, నార్సింగి నుంచి కోకాపేట, వట్టినాగులపల్లి మీదుగా కొల్లూరు వరకు మొత్తం 23 కి.మీ దూరం సోలార్‌ రూప్‌ టాప్‌ సైకిల్‌ ట్రాక్‌ను నిర్మించారు. ఈ సైకిల్‌ ట్రాక్‌పై సుమారు 16 మెగావాట్ల స్థాపిత సామర్థ్యంతో సోలార్‌ పవర్‌ విద్యుత్‌ను ఉత్పత్తి చేసేలా దీన్ని డిజైన్‌ చేసి ఏర్పాటు చేశారు.

Introducing India’s first and only 23 km long, 3 laned, 16 MW solar power generating Healthway

2nd in world after South Korea (solar roof top covered)

Great job @HMDA_Gov 👍 pic.twitter.com/iXifgip7rS

— KTR (@KTRBRS) October 1, 2023