కూరలో బల్లి.. జేఎన్‌టీయూలో కలకలం

జేఎన్‌టీయూలోని హాస్టల్‌లో భోజనాలు చేస్తుండగా.. కూర గిన్నెలో బల్లి కనిపించడం కలకలం రేపింది. గురువారం రాత్రి మంజీరా హాస్టల్‌లో విద్యార్థులకు భోజనం వడ్డిస్తున్నారు.

కేపీహెచ్‌బీకాలనీ : జేఎన్‌టీయూలోని హాస్టల్‌లో భోజనాలు చేస్తుండగా.. కూర గిన్నెలో బల్లి కనిపించడం కలకలం రేపింది. గురువారం రాత్రి మంజీరా హాస్టల్‌లో విద్యార్థులకు భోజనం వడ్డిస్తున్నారు. కొందరు భోజనం చేస్తుండగా.. కూర గిన్నెలో బల్లి సజీవంగా కనిపించింది. దీంతో విద్యార్థులు కలవరపాటుకు గురయ్యారు.

వర్సిటీ అధికారుల నిర్లక్ష్యం కారణంగా నాసిరకంగా భోజనం చేయాల్సి వస్తున్నదని ఆవేదన వ్యక్తం చేశారు. భోజనంలో పురుగులు రావడం వంటి ఘటనలు పునరావృతమవుతున్నా.. సరైన చర్యలు తీసుకోవడంలో అధికారులు విఫలమవుతున్నారని విద్యార్థి సంఘాల నేతలు మండిపడుతున్నారు. కాగా, విద్యార్థులు భోజనం చేసిన తర్వాత కూర గిన్నెలో బల్లి కనిపించిందని,ఆ కూరను వడ్డించలేదని, అందువల్ల్లే ఎవరికీ ఎలాంటి ఇబ్బందులు తలెత్తలేదని వర్సిటీ అధికారులు తెలిపారు.