Osmania University | విదేశీ భాషల్లో డిప్లొమా కోర్సులకు దరఖాస్తుల ఆహ్వానం

ఉస్మానియా యూనివర్సిటీ, మే 12 : ఉస్మానియా యూనివర్సిటీ పరిధిలో వివిధ విదేశీ భాషల్లో డిప్లొమా కోర్సులకు దరఖాస్తులను ఆహ్వానిస్తున్నట్లు అధికారులు ఒక ప్రకటనలో తెలిపారు. ఈ మేరకు నోటిఫికేషన్‌ విడుదల చేసినట్లు పేర్కొన్నారు. ఓయూ రిజిస్ట్రార్‌ ప్రొఫెసర్‌ లక్ష్మీనారాయణ ఒక ప్రకటన విడుదల చేశారు. ఫ్రెంచ్‌, జర్మన్‌ భాషల్లో నాలుగు నెలల జూనియర్‌, సీనియర్‌ డిప్లొమా కోర్సులతో పాటు సంవత్సరం వ్యవధితో అడ్వాన్స్‌డ్‌ డిప్లొమా కోర్సుల తరగతులను జూలై నాలుగవ తేదీ నుంచి ప్రారంభించనున్నట్లు చెప్పారు.

ఇంటర్మీడియట్‌ పూర్తి చేసిన వారు జూనియర్‌ డిప్లొమాలో చేరేందుకు అర్హులని పేర్కొన్నారు. దరఖాస్తులను ఆన్‌లైన్‌ విధానంలో పూర్తి చేయాల్సి ఉంటుందని వివరించారు. ఇతర వివరాలకు విదేశీ భాషల విభాగం కార్యాలయంలో గాని 8331041309 ఫోన్‌ నెంబర్‌లో గాని సంప్రదించాలని సూచించారు. దరఖాస్తులు దాఖలు చేసేందుకు జూలై 2వ తేదీ ఆఖరు తేదీగా వెల్లడించారు.