బాధ్యతగా పనిచేయండి

ప్రభుత్వ పాఠశాలలో నాణ్యమైన విద్యాబోధనతో పాటు పాఠశాలల అభివృద్ధికి అధికారులు పోటీపడి బాధ్యతగా పనిచేయాలని హైదరాబాద్‌ జిల్లా కలెక్టర్‌ అనుదీప్‌ దురిశెట్టి ఆదేశించారు.

• అధికారులకు కలెక్టర్‌ ఆదేశం

సిటీబ్యూరో, జూలై 24 (నమస్తే తెలంగాణ) : ప్రభుత్వ పాఠశాలలో నాణ్యమైన విద్యాబోధనతో పాటు పాఠశాలల అభివృద్ధికి అధికారులు పోటీపడి బాధ్యతగా పనిచేయాలని హైదరాబాద్‌ జిల్లా కలెక్టర్‌ అనుదీప్‌ దురిశెట్టి ఆదేశించారు. బహదూర్‌పురలోని ఉమ్టా ప్రభుత్వ ఉన్నత ప్రాథమిక పాఠశాలను ఆయన బుధవారం ఆకస్మికంగా తనిఖీ చేశారు. పాఠశాల పరిసరాల్లో చెత్తా చెదారం ఉండటాన్ని గమనించిన కలెక్టర్‌.. ఆగ్రహం వ్యక్తం చేశారు.

పాఠశాలలో హాజరు రిజిస్టర్‌ పరిశీలించి రికార్డు అప్‌డేట్‌ చేయాలన్నారు. స్కూల్‌ ఆవరణలోని భవిత సెంటర్‌లోని గదులు చీకటిగా ఉండటంతో ట్యూబ్‌లైట్లు ఏర్పాటు చేయించాలని అధికారులకు సూచించారు. కలెక్టర్‌ వెంట డీఈవో రోహిణి, జిల్లా బీసీ అభివృద్ధి శాఖాధికారి ఆశన్న, డిప్యూటీ డీఈఓ సత్యవతి, డిప్యూటీ ఐఎస్‌ఓ ఖలీల్‌, డీఈ రాజన్న తదితరులు ఉన్నారు.