అవగాహనలేమితోనే ఎండోమెట్రియోసిస్‌

అవగాహనలేమితో మహిళలు ఎక్కువగా ఎండో మెట్రియోసిస్‌ బారినపడుతున్నారని ‘ఎండో మెట్రియోసిస్‌ ఫౌండేషన్‌ ఆఫ్‌ ఇండియా’ వ్యవస్థాపకురాలు డాక్టర్‌ బింద్ర చెప్పారు. సోమాజిగూడ ప్రెస్‌ క్లబ్‌లో శుక్రవారం ‘ఎల్లో రిబ్బన్‌ రన్‌'పై ఆమె విలేకరుల సమావేశాన్ని నిర్వహించారు.

సిటీబ్యూరో, ఫిబ్రవరి 23 ( నమస్తే తెలంగాణ ) : అవగాహనలేమితో మహిళలు ఎక్కువగా ఎండో మెట్రియోసిస్‌ బారినపడుతున్నారని ‘ఎండో మెట్రియోసిస్‌ ఫౌండేషన్‌ ఆఫ్‌ ఇండియా’ వ్యవస్థాపకురాలు డాక్టర్‌ బింద్ర చెప్పారు. సోమాజిగూడ ప్రెస్‌ క్లబ్‌లో శుక్రవారం ‘ఎల్లో రిబ్బన్‌ రన్‌’పై ఆమె విలేకరుల సమావేశాన్ని నిర్వహించారు. ఈ సందర్భంగా బింద్ర మాట్లాడుతూ.. పది మంది మహిళల్లో ఒకరు ఈ వ్యాధితో బాధపడుతున్నట్టు తెలిపారు. ఈ వ్యాధిపై అవగాహన కల్పించేందుకు మార్చి 3న నెక్లెస్‌ రోడ్డులో ఉదయం 6 గంటలకు ‘ఎల్లో రిబ్బన్‌ రన్‌’ నిర్వహిస్తామని పేర్కొన్నారు. ఈ వ్యాధిని పూర్తిగా నయం చేయలేమని..

దాని ప్రభావాన్ని తగ్గించేందుకు చికిత్సలు అందుబాటులో ఉన్నాయని వివరించారు. ఈ వ్యాధిని నిర్లక్ష్యం చేస్తే క్రమేణా వంధత్వం, ఊపిరితిత్తులు, కిడ్నీ తదితర సమస్యలు తలెత్తుతాయన్నారు. ఫ్యూచరిక్‌ సిటీస్‌ ప్రెసిడెంట్‌ కరుణా గోపాల్‌ వర్తకవి మాట్లాడుతూ.. మహిళలను శారీరకంగా, మానసికంగా కుంగుబాటుకు గురిచేసే ఈ భయానక వ్యాధిపై ప్రతి ఒక్కరూ అవగాహన ఉండాలని చెప్పారు. అనంతరం ఎల్లో రిబ్బన్‌ రన్‌కు సంబంధించిన పోస్టర్‌ను వక్తలు ఆవిష్కరించారు. కార్యక్రమంలో వైద్యులు శ్వేత , అర్చన, నటుడు శివ కందుకూరి, నటి రాశీసింగ్‌ తదితరులు పాల్గొన్నారు.