Rains | హైద‌రాబాద్‌లో వ‌ర్షాలు త‌గ్గుముఖం.. రెండు, మూడు రోజులు ఇదే ప‌రిస్థితి..

Rains | వారం రోజుల పాటు హైద‌రాబాద్ న‌గ‌రంలో వాన‌లు దంచికొట్టిన సంగ‌తి తెలిసిందే. నిన్న కూడా హైద‌రాబాద్ వ్యాప్తంగా భారీ వ‌ర్షం కురిసింది. ఇక సోమ‌వారం వ‌ర్షాలు త‌గ్గుముఖం ప‌ట్టాయి. అక్క‌డ‌క్క‌డ మోస్త‌రు వ‌ర్షం కురిసింది.

Rains | హైద‌రాబాద్ : వారం రోజుల పాటు హైద‌రాబాద్ న‌గ‌రంలో వాన‌లు దంచికొట్టిన సంగ‌తి తెలిసిందే. నిన్న కూడా హైద‌రాబాద్ వ్యాప్తంగా భారీ వ‌ర్షం కురిసింది. ఇక సోమ‌వారం వ‌ర్షాలు త‌గ్గుముఖం ప‌ట్టాయి. అక్క‌డ‌క్క‌డ మోస్త‌రు వ‌ర్షం కురిసింది. రాబోయే రెండు, మూడు రోజుల పాటు ఇదే ప‌రిస్థితి కొన‌సాగే అవ‌కాశం ఉంద‌ని తెలంగాణ స్టేట్ డెవ‌ల‌ప్‌మెంట్ ప్లానింగ్ సొసైటీ అధికారులు వెల్ల‌డించారు.

గ‌త వారం 24 డిగ్రీల నుంచి 26 డిగ్రీల మ‌ధ్య ఉష్ణోగ్ర‌త‌లు న‌మోదు కాగా, సోమ‌వారం న‌గ‌రంలో 30.9 డిగ్రీల సెల్సియ‌స్ ఉష్ణోగ్ర‌త‌లు న‌మోదు అయ్యాయి. మంగ‌ళ‌వారం నుంచి న‌గ‌రంలో వ‌ర్షాలు కురిసే అవ‌కాశం లేద‌ని అధికారులు పేర్కొన్నారు. ఒక‌ట్రెండు చోట్ల తేలిక‌పాటి వ‌ర్షాలు కురిసే అవ‌కాశం ఉంద‌ని తెలిపారు. తెలంగాణ వ్యాప్తంగా కూడా తేలిక‌పాటి నుంచి మోస్త‌రు వ‌ర్షాలు కురిసే అవ‌కాశం ఉంద‌న్నారు.