సికింద్రాబాద్/మారేడ్పల్లి, అక్టోబర్ 10: పండుగ వేళల్లో వినియోగదారులకు ముందుస్తు వేడుకను అందించే దిశగా ‘నమస్తే తెలంగాణ-తెలంగాణ టుడే’ దిన పత్రికల సంయుక్తంగా అడుగులు వేస్తూ కొన్ని రోజులుగా నగర వినియోగదారుల ముంగిళ్లకు సంబరాలను తీసుకొచ్చింది. ఈ అత్యుత్తమమైన వేడుక అప్పుడే ఓ కొలిక్కి వచ్చింది. కాగా, దసరా పండుగకు ముందే సీఎంఆర్ షాపింగ్ మాల్లో పండుగ వాతావరణం నెలకొంది. సికింద్రాబాద్ ప్యాట్నీ సెంటర్లోని సీఎంఆర్ షాపిం గ్ మాల్లో ‘నమస్తే తెలంగాణ-తెలంగాణ టుడే’ దసరా షాపింగ్ బొనాంజా ఉత్సవాల్లో భాగంగా ఆదివారం తొమ్మిదో లక్కీ డ్రా తీశారు. ప్యాట్నీలోని సీఎంఆర్ షాపింగ్ మాల్లో ఏర్పాటు చేసిన కార్యక్రమంలో వినియోగదారుల సమక్షంలో ‘నమస్తే తెలంగాణ’ దినపత్రిక ఏడీవీటీ ఏజీఎంలు పి.రాము లు, ఎం.రాజిరెడ్డి, సీఎంఆర్ షాపింగ్ మాల్ గోల్డ్ సెక్షన్ స్టోర్స్ మేనేజర్ బి.అనిల్ చేతుల మీదుగా లక్కీ డ్రా తీశారు.
లక్కీ డ్రా లో భాగంగా భాగ్యలక్ష్మికి 32 ఇంచుల ఎల్ఈడీ కలర్ టీవీ బహుమతిగా లభించింది. రెండో బహుమతి శ్యాం సుందర్ రెడ్డి కి, మూడోది కావ్య, నాలుగోది మహమూద్ పాషా, ఐదో బహుమతులను రాహుల్లు గెలుచుకున్నట్లు ఏజీఎంలు రాములు, రాజిరెడ్డిలు ప్రకటించారు. దసరా ఉత్సవాలను ప్రజలు మరిం త సంతోషంగా జరుకునేలా ‘దసరా షాపింగ్ బొనాంజా’ పేరు తో ‘నమస్తే తెలంగాణ-తెలంగాణ టుడే’లు, ఫ్రీడమ్ హెల్తీ కుకింగ్ ఆయిల్, కేఎల్ఎం షాపింగ్ మాల్లు టైటిల్ స్పాన్సర్లుగా వ్యవహరిస్తున్నాయి. ఈ వేడుకల్లో సెలెక్ట్ మొబైల్స్, సీఎంఆర్ షాపింగ్ మాల్సే మెయిన్ స్పాన్సర్లు గానూ, నిలోఫర్ కేఫ్ పవర్డ్బైగా వ్యవహరిస్తున్నట్లు వారు పేర్కొన్నారు. ఇందులో భాగంగా నగరంలోని ఎంపిక చేసిన ‘సీఎంఆర్’ షాపింగ్ మాల్ లో కొనుగులు చేసిన ప్రతి ఒక్కరికి కూపన్లను అందజేస్తున్నట్లు తెలిపారు. ఈ మహోత్సవంలో ప్రతిరోజు లక్కీ డ్రా తీసి విజేతలకు బహుమతులు అందజేస్తున్నట్లు చెప్పారు.
‘నమస్తే తెలంగాణ-తెలంగాణ టుడే’ సంయుక్త ఆధ్వర్యంలో బంపర్ డ్రాను పదేళ్లుగా తీస్తున్నాం. ఇం దులో భాగంగా ఈ సారి తొమ్మిదో డ్రా విజయవంతంగా పూర్తి కావడం సంతోషకరం. మొదటి బహుమతిగా 32 ఇంచుల కలర్ టీవీ, రెండో బహుమతిగా మొబైల్ ఫోన్, మూడో బహుమతిగా గిఫ్ట్ వోచర్, నాలుగు, ఐదో బహుమతులు గా గిఫ్ట్ హ్యాంపర్లు అందించాం. దసరా మహోత్సవం నేపథ్యంలో బంపర్ డ్రా నేడు ఉంటుంది. ఫైనల్ విజేతలను ప్రకటిస్తాం. దానికి ఒక్క రోజు మాత్రమే ఉండటంతో వినియోగదారులంతా షాపింగ్ చేసి కూపన్లు పొందొచ్చు. – పి.రాములు, ఏజీఎం, ఏడీవీటీ, నమస్తే తెలంగాణ దినపత్రిక
అన్ని రకాల పట్టు, ఫ్యాన్సీ, డిజైనర్ దుస్తులతో పాటు కిడ్స్వేర్, మెన్స్వేర్, రెడీమేడ్స్, పార్టీవేర్లలో నాణ్యమైన దుస్తులు అందుబాటులో ఉంచాము. ప్రత్యేకంగా మహిళల కోసం అన్ని రకాల పట్టు చీరెలను అందుబాటులోకి తీసుకురావడం జరిగింది. ఇక బంగారం కొనుగోలుదారుల కోసం పూర్తిగా 916 సర్టిఫైడ్, హాల్మార్క్ కలిగిన ఆభరణాలను మాత్రమే అందుబాటులో ఉంచాం. నగరంలోని ఏ షాపింగ్ మాల్లో లభించని వైరైటీ ఆభరణాలు మా వద్ద లభిస్తాయి. పదేళ్ల నుంచి నమస్తే తెలంగాణ దిన పత్రికతో ఈ దసరా షాపింగ్ బొనాంజాలో భాగస్వాములు కావడం ఆనందంగా ఉంది. – సత్యనారాయణ, మేనేజింగ్ డైరెక్టర్ , సీఎంఆర్ షాపింగ్ మాల్
పండుగలకే కాకుండా మేమెప్పుడూ కటుంబ సమేతంగా షాపింగ్ చేయాల్సి వచ్చినా సీఎంఆర్ షాపింగ్ మాల్లోనే చేస్తాం. ఇక్కడ నాణ్యమైన దుస్తులే కాకుండా ధరలు అందుబాటులో ఉంటాయి. మాకు సీఎంఆర్ షాపింగ్ మాల్తో ఐదేళ్ల అనుబంధం ఉంది. వినియోగదారులకు కావాల్సిన అన్ని రకాల దుస్తులు ఇక్కడ లభ్యమవుతాయి. ‘నమస్తే తెలంగాణ – తెలంగాణ టుడే’ దిన పత్రికల యజమాన్యం దసరా బొనాంజా నిర్వహించి ఇలా బహుమతులను ఇవ్వడం చాలా ఆనందంగా ఉంది. – మాదారపు రజిత, వినియోగదారురాలు