Bus pass | దివ్యాంగులకు ఈనెల 30న బస్సు పాసుల మేళా

Bus pass | గ్రేటర్‌ హైదరాబాద్‌ జోన్‌ పరిధిలో ఉన్నటువంటి దివ్యాం గులకు(Disabled) మనోహరాబాద్‌ మండల కార్యాలయంలో ఈనెల 30న  బస్సు పాసుల(Bus pass) స్పెషల్‌ క్యాంప్‌ మేళాను నిర్వహిస్తామని గ్రేటర్‌ హైదరాబాద్‌ జోన్‌ ఎగ్జిక్యూటివ్‌ డైరెక్టర్‌ వి. వెంకటేశ్వర్లు గురువారం ఒక ప్రకటనలో పేర్కొన్నారు.

సిటీబ్యూరో, మార్చి 28 ( నమస్తే తెలంగాణ ) : గ్రేటర్‌ హైదరాబాద్‌ జోన్‌ పరిధిలో ఉన్నటువంటి దివ్యాం గులకు(Disabled) మనోహరాబాద్‌ మండల కార్యాలయంలో ఈనెల 30న  బస్సు పాసుల(Bus pass) స్పెషల్‌ క్యాంప్‌ మేళాను నిర్వహిస్తామని గ్రేటర్‌ హైదరాబాద్‌ జోన్‌ ఎగ్జిక్యూటివ్‌ డైరెక్టర్‌ వి. వెంకటేశ్వర్లు గురువారం ఒక ప్రకటనలో పేర్కొన్నారు. ఆ రోజు ఉదయం పది గంటల నుంచి సాయంత్రం 5 గంటల వరకు దివ్యాంగులకు బస్సు పాసులు జారీ చేస్తామని ఆయన తెలిపారు.

మనోహరాబాద్‌, పాలాట, ధర్మరాజ పల్లి, కునాయిపల్లి, కూచారం, పోతారం, జీడిపల్లె, దండుపల్లి, లింగారెడ్డి పేట్‌, చాట్ల గౌరారం, కొండాపూర్‌, పరికి బండ, రామాయ పల్లి, రంగాయిపల్లి, ముప్పిరెడ్డి పల్లి, ఆగ్రహారం తదితర పరిసర ప్రాంతాల్లో నివసించే దివ్యాంగులు ఈ అవకాశాన్ని వినియోగించుకోవాలని సూచించారు. దివ్యాంగులు వారితో పాటు ఒక పాస్‌ఫొటో, సదరం సర్టిఫికెట్‌, ఆధార్‌కార్డ్‌, ఐడీ కార్డు, సర్వీస్‌ ఛార్జ్‌ రూ.50 తీసుకురావాల్సి ఉంటుందని వివరించారు.