Bhu Bharati | సర్వర్‌ డౌన్‌.. ఓటీపీలు రావు.. భూ భారతి సేవలతో రైతుల అవస్థలు

Bhu Bharati | రాష్ట్ర ప్రభుత్వం ప్రతిష్ఠాత్మకంగా చేపట్టిన భూ భారతి వెబ్ సైట్ మొరాయిస్తోంది. గడిచిన కొంత కాలంగా సర్వర్ బీజీ అంటూ తీవ్ర ఇబ్బందులు పెడు తోంది. తాజాగా మూడు నెలల నుంచి తహసీ ల్దారు / జాయింట్ రిజిస్ట్రార్లు, మీ సేవా కేంద్రం నిర్వాహకులు తీవ్ర ఇక్కట్లకు గురువుతున్నారు.

Bhu Bharati | కందుకూరు, అక్టోబర్ 22: రాష్ట్ర ప్రభుత్వం ప్రతిష్ఠాత్మకంగా చేపట్టిన భూ భారతి వెబ్ సైట్ మొరాయిస్తోంది. గడిచిన కొంత కాలంగా సర్వర్ బీజీ అంటూ తీవ్ర ఇబ్బందులు పెడు తోంది. తాజాగా మూడు నెలల నుంచి తహసీ ల్దారు / జాయింట్ రిజిస్ట్రార్లు, మీ సేవా కేంద్రం నిర్వాహకులు తీవ్ర ఇక్కట్లకు గురువుతున్నారు. తరుచూ సర్వర్ డౌన్, ఎర్రర్ 402 అని వస్తు న్నది.

ప్రధానంగా స్లాట్ బుకింగ్ స్టాంపు డ్యూటీ చెల్లించేటప్పుడు డాక్యుమెంట్, అప్ లోడ్ చేసేటప్పుడు సిటీజన్ లాగిన్ అయ్యేటప్పుడు సమ స్యలు ఉత్పన్నం అవుతున్నాయి. యూజర్ నేమ్, పాస్ వర్డ్ ఎంట్రీస్ సరిగ్గా చేసినప్పటికీ, ఒకవేళ ఓటీపీ వచ్చినా లాగిన్ కావడం లేదు. చాలా సేపు లోడింగ్, సింబల్ చూపిస్తున్నది. ఆ తర్వాత లాగ్ అవుట్ అని మెసేజ్ వస్తున్నది. చాలా సార్లు స్లాట్ బుకింగ్ సమయంలో ఆ ప్రక్రియ పూర్తయిందా లేదా అన్నది కూడా అర్థం కాని దుస్థితి నెలకొన్నది. ఎన్నాళ్లు ఇలాంటి సమస్యలను ఎదుర్కో క్కవాలని. మీ సేవా నిర్వాహకులు, ఆపరేటర్లు ఆవేదన వ్యక్తం చేస్తు న్నారు.

భూ భారతి వెబ్ సెట్ పోర్టల్లో సర్వర్ డౌన్ అంటూ కొంతకాలం నుంచి సమస్య వస్తు న్నది. నెలలో అత్యధిక రోజలు ఇదే పరిస్థితి నెలకొంది. బీఆర్ఎస్ ప్రభుత్వం హయాంలో ధరణి పోర్టల్ ఇబ్బందులు పెడుతోందని ఆరోపించిన సీఎం రేవంత్రెడ్డి ఇలాంటి సమస్యలు ఉత్పన్నం కావని చెప్పి ధరణి నుంచి భూ భార తిగా పేరు మార్చినా, ప్రయోజనం లేదని పలువురు పేర్కొంటున్నారు. ధరణి పోర్టల్లో ఒక్క నాడు కూడా సమస్యలు రాలేదని పలువురు తెలిపారు.

కాంగ్రెస్ ప్రభుత్వ హయాంలో చెప్పింది ఒకటి చేసేది మరొకటని విమర్శలు వినిపిస్తున్నారు. భూ భారతిని తీసుకువచ్చాం, ఇక మీదట ఎలాంటి సమస్యలు ఉత్పన్నం కావని గొప్పలు చెప్పుకున్న కాంగ్రెస్ ప్రభుత్వం ఆచరణలో మాత్రం అమలు చేయడం లేదని విమర్శలు వినిపిస్తున్నాయి. గొప్పలు చెప్పడం మానుకోవాలని ప్రభుత్వానికి పలువురు సూచిస్తున్నారు.