ఆ జిల్లాలకు పోలీస్ నోటిఫికేషన్ ఇవ్వకుండా ఆపడం సరికాదు : ఆకాశ్

తెలంగాణ ప్రభుత్వానికి పోలీస్ నిరుద్యోగ జేఏసీ ప్రతినిధి ఆకాశ్ గట్టి హెచ్చరిక జారీ చేశారు.

హైదరాబాద్‌ : తెలంగాణ ప్రభుత్వానికి పోలీస్ నిరుద్యోగ జేఏసీ ప్రతినిధి ఆకాశ్ గట్టి హెచ్చరిక జారీ చేశారు. యాదాద్రి భువనగిరి, రంగారెడ్డి, హైదరాబాద్ జిల్లాలకు పోలీస్ నోటిఫికేషన్ ఇవ్వకుండా ఆపడం సరికాదన్నారు. జీవో 81 నిబంధనల వల్ల ఆగిపోయిన 3,200 పోస్టుల నోటిఫికేషన్‌ను వెంటనే విడుదల చేయాలని ఆయన డిమాండ్ చేశారు.

ఒకరికి న్యాయం చేసి మరొకరికి అన్యాయం చేసేలా విభజించి పాలించే ధోరణిని మానుకోవాలన్నారు. రాబోయే హైదరాబాద్-రంగారెడ్డి-మహబూబ్‌నగర్ ఎమ్మెల్సీ ఎన్నికలను దృష్టిలో ఉంచుకుని త్వరలోనే బస్సు యాత్ర నిర్వహిస్తామని స్పష్టం చేశారు.