సీపీఎస్ వద్దు ఓపీఎస్ ముద్దు
ఉపాధ్యాయులకు కాంగ్రెస్ ఎన్నికల్లో ఇచ్చిన హామీ ప్రకారం సీపీఎస్ను రద్దు చేసి పాత పెన్షన్ విధానాన్ని పునరుద్ధరించాలని తెలంగాణ రాష్ట్ర కాంట్రిబ్యూటరీ పెన్షన్ ఎంప్లాయీస్ యూనియన్ రాష్ట్ర అధ్యక్షుడు స్థితప్రజ్ఞ డిమాండ్ చేశారు.
- పాత పెన్షన్ స్కీంను పునరుద్ధరించాలి
- యూనియన్ రాష్ట్ర అధ్యక్షుడు స్థితప్రజ్ఞ
- ఇందిరాపార్కు వద్ద ఉద్యోగుల ధర్మదీక్ష
కవాడిగూడ, నవంబరు 17:ఉద్యోగ, ఉపాధ్యాయులకు కాంగ్రెస్ ఎన్నికల్లో ఇచ్చిన హామీ ప్రకారం సీపీఎస్ను రద్దు చేసి పాత పెన్షన్ విధానాన్ని పునరుద్ధరించాలని తెలంగాణ రాష్ట్ర కాంట్రిబ్యూటరీ పెన్షన్ ఎంప్లాయీస్ యూనియన్ రాష్ట్ర అధ్యక్షుడు స్థితప్రజ్ఞ డిమాండ్ చేశారు. కాంగ్రెస్ పాలిత ప్రాంతాల్లో పాత పెన్షన్ విధానాన్ని అమలు చేస్తున్నట్లుగా రాష్ట్రంలో సైతం అమలు చేయాలన్నారు. ఓపీఎస్ను పునరుద్ధరించాలని డిమాండ్ చేస్తూ రాష్ట్ర కాంట్రిబ్యూటరీ పెన్షన్ ఎంప్లాయీస్ యూనియన్ హైదరాబాద్, రంగారెడ్డి, మేడ్చల్, మల్కాజిగిరి జిల్లా కమిటీ ఆధ్వర్యంలో సామూహిక సెలవులు పెట్టి మంగళవారం ఇందిరాపార్కు వద్ద ధర్మదీక్ష చేపట్టారు.

హైదరాబాద్ జిల్లా అధ్యక్షుడు నరేందర్రావు అధ్యక్షతన జరిగిన ధర్మదీక్షలో రాష్ట్ర అధ్యక్షుడు స్థితప్రజ్ఞ ముఖ్య అతిథిగా హాజరై మాట్లాడారు. ఎన్నికల సందర్భంగా 17 నవంబరు 2023లో వరంగల్ వేదికగా తెలంగాణలో కాంగ్రెస్ పార్టీ అధికారంలోకి వస్తే సీపీఎస్ను రద్దు చేసి పాత పెన్షన్ విధానాన్ని అమలు చేస్తామని నాడు పీసీసీ అధ్యక్షుడిగా ఉన్న ప్రస్తుత సీఎం రేవంత్రెడ్డి ఉద్యోగ, ఉపాధ్యాయులకు హామీ ఇచ్చారన్నారు. అధికారంలోకి వచ్చి మూడేండ్లు గడుస్తున్నా హామీని అమలుచేయడంలో పూర్తిగా విఫలమయ్యిందని విమర్శించారు.
సీపీఎస్ రద్దు చేసి ఓపీఎస్ను పునరుద్ధరించేందుకు వేసే అధ్యయన కమిటీలో తమ యూనియన్కు ప్రాతినిథ్యం కల్పించాలని డిమాండ్ చేశారు. పెండింగ్లో ఉన్న డీఏ బకాయిలను ఏకమొత్తంలో నగదు రూపంలో చెల్లించాలన్నారు. రిటైర్డ్ సీపీఎస్ ఉద్యోగులకు ఎంప్లాయీస్ హెల్త్ స్కీం వర్తింపచేయాలన్నారు. లేనిపక్షంలో త్వరలో జరగబోయే పట్టభద్రుల ఎన్నికల్లో ఉద్యోగ, ఉపాధ్యాయులు తగిన గుణపాఠం చెబుతారని హెచ్చరించారు. యూనియన్ రాష్ట్ర ప్రధాన కార్యదర్శి శ్రీకాంత్, కోశాధికారి నరేశ్గౌడ్, కార్యదర్శి సత్యనారాయణ, నాయకులు శ్రవణ్, పవన్, భవాని, శ్రీనివాస్, శ్యాంసుందర్, మోహన్సింగ్ తదితరులు పాల్గొన్నారు.
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

