పార్కింగ్‌ చేసిన వాహనాలే టార్గెట్‌

పార్కింగ్‌ చేసిన వాహనాలే వారి టార్గెట్‌. ఎవరైనా బైకు, స్కూటర్లు పార్కింగ్‌ చేస్తే మాస్టర్‌ కీ ద్వారా దాని కొట్టేయడంలో వారిది అందవేసిన చేయి. వివిధ పోలీసు స్టేషన్ల పరిధిలో 19 వాహనాలకు పైగా దొంగతనం చేశారు.

• మాస్టర్‌ కీ సాయంతో దొంగతనం
• పోలీసుల అదుపులో నిందితులు

ఖైరతాబాద్‌, జూన్‌ 1 : పార్కింగ్‌ చేసిన వాహనాలే వారి టార్గెట్‌. ఎవరైనా బైకు, స్కూటర్లు పార్కింగ్‌ చేస్తే మాస్టర్‌ కీ ద్వారా దాని కొట్టేయడంలో వారిది అందవేసిన చేయి. వివిధ పోలీసు స్టేషన్ల పరిధిలో 19 వాహనాలకు పైగా దొంగతనం చేశారు. సైఫాబాద్‌ పోలీసుల కథనం ప్రకారం.. రాజేంద్రనగర్‌ చింతల్‌మెట్‌కు చెందిన అక్బర్‌ మీర్జా (54), నాంపల్లికి చెందిన అబ్దుల్‌ సలీం ఖాన్‌ అలియాస్‌ సలీం (55), బహదూర్‌పురా ఎంఎం ఖయ్యూమ్‌కు చెందిన మీర్‌ వాసి హైదర్‌ మూసావి (34), మాసబ్‌ట్యాంక్‌ శ్యామ్‌నగర్‌కు చెందిన రాజు (38) ముఠాగా ఏర్పడ్డారు.

జనావాస ప్రాంతాల్లో, వివిధ కూడళ్లు, కార్యాలయాల ముందు పార్కింగ్‌ చేసిన వాహనాలను గుర్తిస్తారు. దాని యజమాని లేకపోవడాన్ని గమనించి తమ వద్ద ఉన్నర మాస్టర్‌ కీ సాయంతో స్టార్ట్‌ చేసి దొంగతనం చేసి తీసుకెళ్తారు. ఇప్పటి వరకు పలు పోలీసు స్టేషన్ల పరిధిలో 19 వాహనాలను దొంగిలించారు. వీరిలో అబ్దుల్‌ సలీం ఖాన్‌పై పీడీ యాక్ట్‌ నమోదై ఉంది. బాధితుల ఫిర్యాదు మేరకు ఏసీపీ సంజయ్‌కుమార్‌ నేతృత్వంలో సైఫాబాద్‌ డీఐ నరేశ్‌, ఎస్సై నిరంజన్‌ల బృందం నిందితులను అరెస్టు చేసి పోలీసు స్టేషన్‌కు తరలించారు. వారి వద్ద నుంచి సుమారు 19 వాహనాలను స్వాధీనం చేసుకున్నారు.