Visit:
శుభకార్య ప్రయత్నాలు ఫలిస్తాయి. పిల్లల చదువు కోసం చేసే ప్రయత్నాలు అనుకూలంగా ఉంటాయి. విదేశీ ప్రయాణాలు చేస్తారు. పెద్దవారితో సంబంధ బాంధవ్యాలు మెరుగవుతాయి. మంచి ఆలోచనలు స్ఫురిస్తాయి. అయితే ఆర్థిక సమస్యలు ఎదురుకావొచ్చు. అన్నదమ్ములు, స్నేహితులతో చికాకులు తలెత్తవచ్చు. కొత్త పనులు మొదలుపెట్టడంలో జాప్యం జరుగుతుంది. కుటుంబంలో కలహ వాతావరణ సూచితం. వారాంతంలో పరిస్థితులు సద్దుమణుగుతాయి. ఆరోగ్యం నిలకడగా ఉంటుంది. ఈశ్వరారాధన శుభప్రదం.
ఈ వారం అనుకూల ఫలితాలు ఉంటాయి. షేర్‌ మార్కెట్‌, వస్త్ర, ఫ్యాన్సీ వ్యాపారులకు లాభదాయకంగా ఉంటుంది. న్యాయవాద, వైద్యవృత్తిలో ఉన్నవారికి కలిసివస్తుంది. కుటుంబంతో సంతోషంగా కాలం గడుపుతారు. సమాజంలో గుర్తింపు ఉన్నవారితో పరిచయాలు ఏర్పడతాయి. ఉద్యోగులకు పై అధికారులతో చికాకులు ఏర్పడవచ్చు. వారాంతానికి పరిస్థితిలో మార్పు వస్తుంది. అయితే కొత్త పనులు ప్రారంభించకుండా, చేతిలో ఉన్నవాటిని పూర్తి చేయడంపై మనసు నిలపండి. వినాయకుడి ఆలయాన్ని సందర్శించండి.
నిర్మాణ రంగంలో ఉన్నవారికి అదృష్టం కలిసివస్తుంది. కొత్త ప్రాజెక్టులు చేపడతారు. అన్నదమ్ములు, బంధువులతో సంబంధ బాంధవ్యాలు పెంపొందుతాయి. ప్రారంభించిన పనులు అనుకున్న సమయంలో పూర్తవుతాయి. పలుకుబడితో పనులు నెరవేరుతాయి. విద్యార్థులకు అనుకూల సమయం. మంచి విద్యాసంస్థల్లో అవకాశాలు వస్తాయి. కుటుంబంలో సంతోషకరమైన వాతావరణం నెలకొంటుంది. ప్రయాణాల వల్ల ఖర్చులు పెరగవచ్చు. ఆరోగ్యంగా ఉంటారు. సూర్యారాధన మేలుచేస్తుంది.
ఈ వారం శుభప్రదంగా ఉంటుంది. రాజకీయ, కోర్టు వ్యవహారాల్లో విజయం వరిస్తుంది. నిరుద్యోగులకు తాత్కాలిక ఊరట లభిస్తుంది. ఉద్యోగులకు పదోన్నతి సూచనలు ఉన్నాయి. అధికారుల ప్రాపకం సంపాదిస్తారు. ఆర్థిక లావాదేవీలు లాభసాటిగా సాగుతాయి. సకాలంలో డబ్బు చేతికి అందుతుంది. ఆధ్యాత్మిక కార్యక్రమాల్లో చురుగ్గా పాలుపంచుకుంటారు. అయితే, గృహంలో కాస్త చికాకులు తలెత్తే సూచనలు కనిపిస్తున్నాయి. అనవసరమైన విషయాలపై చర్చలకు తావివ్వకండి. దుర్గాదేవి స్తోత్రాలు పఠించండి.
శుభకార్య ప్రయత్నాలు ఫలిస్తాయి. విద్యార్థులకు మంచి సమయం. ప్రతిభకు తగిన గుర్తింపు లభిస్తుంది. అన్నదమ్ములు, స్నేహితులు, బంధువులతో మనస్పర్ధలు తలెత్తవచ్చు. వివాదాలకు దూరంగా ఉండండి. ఆర్థిక విషయాల్లో ఏమరుపాటు తగదు. వ్యాపారులు ఆచితూచి నిర్ణయాలు తీసుకోవాలి. కొత్త పనులు కొన్ని రోజులు వాయిదా వేసుకోవడం మంచిది. ఆదాయానికి తగ్గ ఖర్చులు ఉంటాయి. విందు, వినోదాలకు హాజరవుతారు. సుబ్రహ్మణ్యస్వామి ఆలయాన్ని సందర్శించండి.
ఈ వారం అనుకూలంగా ఉంటుంది. ఆర్థికంగా బాగుంటుంది. కళాకారులకు మంచి అవకాశాలు వస్తాయి. రోజువారీ వ్యాపారం లాభసాటిగా సాగుతుంది. వ్యాపారులకు తాత్కాలిక ప్రయోజనం కలుగుతుంది. అన్నదమ్ములతో సఖ్యత నెలకొంటుంది. ఆస్తి తగాదాలు పరిష్కారం అవుతాయి. ప్రయాణాల వల్ల పనులు నెరవేరుతాయి. ఉద్యోగులకు పదోన్నతి, అనుకూల స్థానచలన సూచన. వివాహాది శుభకార్య ప్రయత్నాలు సఫలం అవుతాయి. ఖర్చుల నియంత్రణ అవసరం. ఆరోగ్యంగా ఉంటారు. రామాలయాన్ని సందర్శించండి.
శుభకార్యాలు చేస్తారు. కొన్ని ఆర్థిక ఇబ్బందులు ఎదురైనా బంధువర్గం, ఆత్మీయుల సహకారం లభిస్తుంది. ప్రయాణాలు కలిసి వస్తాయి. ఆస్తి తగాదాలు పరిష్కారం అవుతాయి. కొత్త వాహనం కొనుగోలు చేస్తారు. పనులపై శ్రద్ధ నిలుపుతారు. నలుగురికి సాయపడతారు. ఉద్యోగ ప్రయత్నాలు ఫలిస్తాయి. సమాజంలో గౌరవ మర్యాదలు లభిస్తాయి. న్యాయపరమైన ఆటంకాలను అధిగమిస్తారు. సత్ఫలితాలు పొందుతారు. ఆరోగ్యంతో ఉంటారు. నరసింహస్వామి ఆరాధన మేలుచేస్తుంది.
అనుకున్న పనులు సకాలంలో పూర్తవుతాయి. పలుకుబడి కలిగిన వ్యక్తులతో పరిచయాలు ఏర్పడతాయి. శుభకార్య ప్రయత్నాలు సఫలమవుతాయి. విద్యార్థులు పోటీపరీక్షల్లో విజయం సాధిస్తారు. ఉద్యోగ ప్రయత్నం ఫలిస్తుంది. ఉద్యోగులకు అనుకూల స్థానచలన సూచన. రావలసిన డబ్బు సకాలంలో చేతికి అందుతుంది. భూ లావాదేవీల్లో మిశ్రమంగా ఉంటుంది. సోదరులతో సఖ్యత అవసరం. వ్యాపారులకు మంచి సమయం. ఆర్థికంగా పుంజుకుంటారు. నిత్యం హనుమాన్‌ చాలీసా పఠించండి.
ఆదాయం స్థిరంగా ఉంటుంది. ఆస్తుల మూలంగా రాబడి పెరుగుతుంది. వివాహాది శుభకార్య ప్రయత్నాలకు స్నేహితుల సహకారం లభిస్తుంది. పనిలో బాధ్యతలు పెరుగుతాయి. వృథా ఖర్చులు ఉండవచ్చు. దూర ప్రయాణాలు అనుకూలిస్తాయి. అలసట లేకుండా పనులు చేస్తారు. బంధుమిత్రులతో స్నేహంగా ఉంటారు. భూ వ్యవహారాలు లాభిస్తాయి. వాహనం కొనుగోలు చేస్తారు. కుటుంబసభ్యులతో సంతోషంగా ఉంటారు. రోజువారీ వ్యాపారం సజావుగా సాగుతుంది. దత్తాత్రేయస్వామి ఆలయాన్ని సందర్శించండి.
కొత్త ఉద్యోగంలో చేరతారు. ఉత్సాహంతో పనులు చేస్తారు. ఆరోగ్యం నిలకడగా ఉంటుంది. ఆలోచించి పనులు చేపడతారు. చాలాకాలంగా ఉన్న సమస్యలు పరిష్కారం అవుతాయి. దూర ప్రయాణాలు వాయిదా వేసుకోవడం మంచిది. పనిభారం పెరగడంతో కొంత అలసటకు గురవుతారు. బంధుమిత్రులతో పనులు నెరవేరుతాయి. వివాదాలు రాకుండా చూసుకోవడం మంచిది. భూ లావాదేవీల్లో కాలయాపన ఉంటుంది. దాయాదులతో మాటపట్టింపులు ఉండవచ్చు. శుభకార్యాలకు హాజరవుతారు. ఇష్టదైవాన్ని ఆరాధించండి.
వివాహాది శుభకార్యాలు చేస్తారు. ప్రారంభించిన పనులు సకాలంలో పూర్తవుతాయి. ఆదాయం స్థిరంగా ఉంటుంది. పనితనానికి గుర్తింపు లభిస్తుంది. విద్యార్థులకు మంచి సమయం. ప్రయాణాలు అనుకూలిస్తాయి. బంధుమిత్రులు, అన్నదమ్ముల సహకారం లభిస్తుంది. భూమి కొనుగోలు చేస్తారు. రోజువారీ వ్యాపారం లాభదాయకంగా కొనసాగుతుంది. మంచి అవకాశాలు వస్తాయి. కుటుంబసభ్యులతో సంతోషంగా ఉంటారు. ఇంట్లోకి కొత్త వస్తువులు కొనుగోలు చేస్తారు. దుర్గాదేవి క్షేత్రాన్ని సందర్శించండి.
అందివచ్చిన అవకాశాలను సద్వినియోగం చేసుకుంటారు. సమాజంలో హుందాగా వ్యవహరిస్తారు. ఆత్మీయులు, అనుభవజ్ఞుల సహకారంతో పనులు నెరవేరుతాయి. ఖర్చుల నియంత్రణ అవసరం. శ్రమకు తగిన ప్రతిఫలం లభిస్తుంది. సాహిత్య సభలకు హాజరవుతారు. సమాజంలో మంచి వ్యక్తులతో పరిచయాలు ఏర్పడతాయి. ఇంట్లో శుభకార్య ప్రయత్నాలు కొనసాగుతాయి. మీ ఆలోచనలను కార్యరూపంలో పెడతారు. గతంలో పెట్టిన పెట్టుబడుల ఫలాలు అందుతాయి. ఆంజనేయస్వామి ఆరాధన మేలుచేస్తుంది.
-గుడి ఉమా మహేశ్వరశర్మ సిద్ధాంతి
ఎం.ఎస్సీ., నిర్మల్‌ పంచాంగకర్త
నల్లకుంట, హైదరాబాద్‌. సెల్‌: 9885096295
ఈ మెయిల్‌ : nirmalsiddhanthi@yahoo.co.in
