Jeera Paachak Goli | జీరాతో అజీర్తి స‌మ‌స్య‌ల‌కు చెక్‌

దేశీ వంటిళ్ల‌లో క‌నిపించే జీల‌క‌ర్ర (Jeera Paachak Goli) వంట‌కాల‌కు అద్భుత రుచిని అందించ‌డ‌మే కాకుండా ఎన్నో ఆరోగ్య ప్ర‌యోజ‌నాల‌నూ చేకూరుస్తుంది.

న్యూఢిల్లీ : దేశీ వంటిళ్ల‌లో క‌నిపించే జీల‌క‌ర్ర (Jeera Paachak Goli) వంట‌కాల‌కు అద్భుత రుచిని అందించ‌డ‌మే కాకుండా ఎన్నో ఆరోగ్య ప్ర‌యోజ‌నాల‌నూ చేకూరుస్తుంది. ప‌ప్పులు, రైతాలు, కూర‌లు, సూప్స్ స‌హా ఎన్నో డిష్‌ల‌లో జీల‌క‌ర్ర లేదా జీల‌క‌ర్ర పొడిని వాడ‌టం ద్వారా ఆయా వంట‌కాల టేస్ట్ పెరుగుతుంది. ఇక జీరాలో జీర్ణ‌క్రియ‌ను పెంపొందించే గుణాలు ఉన్నాయి. గ్యాస్ ట్ర‌బుల్‌కు ఇంట్లో పెద్ద‌వారు జీల‌క‌ర్ర‌, బ్లాక్‌సాల్ట్‌ను క‌లిపిన మిశ్ర‌మాన్ని తాగి ఉప‌శ‌మ‌నం పొందుతుంటారు.

ఇక భోజ‌నం చేసిన త‌ర్వాత జీల‌క‌ర్ర‌తో చేసిన గోళీల‌ను చ‌ప్ప‌రిస్తే గ్యాస్‌, అసిడిటీ, క‌డుపుబ్బ‌రం, వికారం వంటి స‌మ‌స్య‌లు ద‌రిచేర‌వ‌ని చెబుతారు. జీరా ప‌చ‌క్ గోళీగా పిలిచే ఈ పిల్‌ను రోజూ తీసుకుంటే ఎన్నో ఆరోగ్య ప్ర‌యోజ‌నాలు సొంతం చేసుకోవ‌చ్చు. జీల‌క‌ర్ర‌లో జీర్ణ‌క్రియ సాఫీగా జ‌రిగేందుకు అవ‌స‌ర‌మైన ఎంజైమ్స్‌ను ప్రేరేపించే ఔష‌ధ గుణాలున్నాయి. వీటితో పాటు ఫైబ‌ర్‌, ఐర‌న్, జింక్‌, కాప‌ర్‌, మెగ్నీషియం వంటి అత్య‌వ‌స‌ర పోష‌కాలు ఉన్నాయి. అందుకే చాలామంది ఉద‌యాన్నే జీల‌క‌ర్ర వేసిన నీటిని ఖాళీ క‌డుపుతో తాగుతుంటారు.

మ‌రికొంద‌రు బ‌రువు త‌గ్గేందుకు కూడా ఈ పానీయాన్ని త‌ర‌చూ తీసుకుంటారు. క‌డుపు నొప్పి, అజీర్తి, డ‌యేరియా వంటి స‌మ‌స్య‌ల‌ను జీరా పానీయంతో అధిగ‌మించ‌వ‌చ్చ‌ని చెబుతుంటారు. ఇక జీరా గోళీల‌ను త‌యారుచేసే విధానం ప‌రిశీలిస్తే..జీల‌క‌ర్ర‌, బ్లాక్‌పెప్ప‌ర్‌, రాక్ సాల్ట్‌, బ్లాక్ సాల్ట్‌, లెమ‌న్ సాల్ట్‌, మామిడి పొడి, పౌడ‌ర్డ్ షుగ‌ర్‌ల మిశ్ర‌మంతో గోళీల‌ను త‌యారుచేసుకుని రోజూ భోజ‌నం త‌ర్వాత వాటిని చ‌ప్ప‌రిస్తే ఎన్నో ఆరోగ్య ప్ర‌యోజనాలు చేకూరుతాయి.

Read More :

Udhayanidhi Stalin | సనాతన ధర్మంపై అభ్యంతర వ్యాఖ్యలు.. ఉదయనిధికి షాకిచ్చిన సుప్రీంకోర్టు