అధిక బ‌రువుతో కుంగుబాటు ముప్పు!

లండ‌న్ : అధిక బ‌రువు కుంగుబాటుకు దారితీసి ఆరోగ్యాన్ని దెబ్బ‌తీస్తుంద‌ని తాజా అధ్య‌య‌నం వెల్ల‌డించింది. స్ధూల‌కాయం శారీర‌క ఆరోగ్యంపై ప్ర‌భావం చూపుతుంద‌నేది తెలిసిందే అయినా తాజాగా ఇది మాన‌సిక ఆరోగ్యంపైనా ప్ర‌తికూల ప్ర‌భావం చూపుతుంద‌ని జ‌ర్న‌ల్ హ్యూమ‌న్ మాలిక్యుల‌ర్ జెనెటిక్స్‌లో ప్ర‌చురిత‌మైన అధ్య‌య‌న నివేదిక వెల్ల‌డించింది. బ్రిట‌న్‌లో ప్ర‌తి న‌లుగురిలో ఒక‌రు స్ధూల‌కాయంతో బాధ‌ప‌డుతుండ‌గా చిన్నారుల్లోనూ ఈ స‌మ‌స్య తీవ్ర‌మ‌వ‌డం స‌వాల్‌గా మారింద‌ని వైద్య నిపుణులు ఆందోళ‌న వ్య‌క్తం చేస్తున్నారు.

అధిక బీఎంఐ కుంగుబాటుకు ఎలా దారితీస్తుంద‌నేది తెలుసుకునేందుకు ప‌రిశోధ‌కులు జ‌న్యు విశ్లేష‌ణ ప‌ద్ధ‌తిని అనుస‌రించారు. యూకే బ‌యోబ్యాంక్ నుంచి 1,45,000 మందికి సంబంధించిన జ‌న్యు డేటాను ఎక్సెట‌ర్ యూనివ‌ర్సిటీ ప‌రిశోధ‌కులు విశ్లేషించి ఈ వివ‌రాలు రాబ‌ట్టారు. అధిక బీఎంఐకి సంబంధించిన జ‌న్యు వేరియంట్ల‌ను ప‌రిశోధ‌కులు విశ్లేషించి స్ధూల‌కాయం, కుంగుబాటుకు ఉన్న సంబంధాన్ని క‌నుగొన్నారు.

అధిక బీఎంఐ కుంగుబాటుకు దారితీస్తుంద‌ని తమ ప‌రిశోధ‌న‌లో వెల్ల‌డైంద‌ని అధ్య‌య‌న ర‌చ‌యిత‌, యూనివ‌ర్సిటీ ఆఫ్ ఎక్సెట‌ర్ మెడిక‌ల్ స్కూల్ జెస్ ఓలాలిన్ తెలిపారు. స్ధూల‌కాయం జీవ‌క్రియ‌ల ప‌నితీరుతో సంబంధం లేకుండా కుంగుబాటు ముప్పున‌కు దారితీస్తుంద‌ని త‌మ ప‌రిశోధ‌న‌లో తేలింద‌ని చెప్పారు. శారీర‌క ఆరోగ్యం, సామాజిక కార‌ణాలు కూడా స్ధూల‌కాయం, కుంగుబాటు మ‌ధ్య సంబంధంలో కీల‌క పాత్ర పోషిస్తాయ‌ని ఆయ‌న తెలిపారు.