Tomato Ketchup | ట‌మాటా కెచ‌ప్‌తో వెంటాడే సైడ్ ఎఫెక్ట్స్ ఇవే..!

మ‌న‌లో చాలా మందికి స్నాక్స్ తీసుకునే స‌మ‌యంలో ట‌మాట కెచ‌ప్ (Tomato Ketchup ) ప‌క్క‌న ఉండాల్సిందే. డిష్ ఏదైనా ట‌మాట కెచ‌ప్‌తో తీసుకోవ‌డం చూస్తుంటాం.

న్యూఢిల్లీ : మ‌న‌లో చాలా మందికి స్నాక్స్ తీసుకునే స‌మ‌యంలో ట‌మాట కెచ‌ప్ (Tomato Ketchup ) ప‌క్క‌న ఉండాల్సిందే. డిష్ ఏదైనా ట‌మాట కెచ‌ప్‌తో తీసుకోవ‌డం చూస్తుంటాం. ట‌మాట కెచ‌ప్ రుచితో పాటు వంట‌కాల టేస్ట్‌ను కూడా పెంచుతుంది. అయితే బ‌య‌ట స్టోర్స్‌లో ట‌మాట కెచ‌ప్స్‌ను కొనుగోలు చేసి వాడ‌టం మంచిది కాద‌ని పోష‌కాహార నిపుణులు చెబుతున్నారు. స్టోర్‌లో తీసుకున్న ట‌మాటా కెచ‌ప్ వాడ‌కంతో సైడ్ ఎఫెక్ట్స్ పొంచిఉంటాయ‌ని ప్ర‌ముఖ న్యూట్రిష‌నిస్ట్ రిచా గంగాని సోష‌ల్ మీడియా పోస్ట్‌లో వెల్ల‌డించారు.

రిటైల్ స్టోర్స్‌లో దొరికే ట‌మాట కెచ‌ప్‌లో రుచిని, రంగును జోడించేందుకు ప‌లు కెమిక‌ల్స్‌, యాడిటివ్స్‌ను జోడిస్తార‌ని రిచా గంగాని చెప్పుకొచ్చారు. ఇవి వివిధ ర‌కాలుగా ఆరోగ్యాన్ని దెబ్బ‌తీస్తాయి. వీటిలో అధికంగా షుగ‌ర్‌, సాల్ట్‌, ఫ్ర‌క్టోజ్‌, ప్రిజ‌ర్వేటివ్స్‌, కార్న్ సిర‌ప్ క‌లిసిఉండ‌టంతో శ‌రీరంపై ప్ర‌తికూల ప్ర‌భావం చూపుతాయ‌ని ఆమె వివ‌రించారు. ట‌మాటా కెచ‌ప్‌లో కేవ‌లం 20 శాతం మాత్ర‌మే నిజ‌మైన ట‌మాటాల‌ను వాడ‌తారు.

మిగిలినదంతా షుగ‌ర్‌, ప్రిజ‌ర్వేటివ్స్ కావ‌డంతో వీటిని అధిక మొత్తంలో తీసుకుంటే అజీర్తి, యాసిడ్ రిఫ్ల‌క్స్‌, గుండెల్లో మంట‌, వికారం వంటి సైడ్ఎఫెక్ట్స్ పొంచిఉంటాయి. వాణిజ్య‌ప‌రంగా రూపొందించే ట‌మాట కెచ‌ప్స్‌లో అధిక మోతాదులో షుగ‌ర్‌, సాల్ట్‌, కార్న్ సిర‌ప్ వాడ‌టంతో బ‌రువు పెరిగే అవ‌కాశం ఉంది. ట‌మాటా కెచ‌ప్స్‌ను త‌ర‌చూ తీసుకుంటే మ‌ధుమేహ ముప్పు త‌ప్ప‌ద‌ని న్యూట్రిష‌నిస్ట్ రిచా గంగాని హెచ్చ‌రించారు. ట‌మాటాలు, డేట్స్‌తో ఇంట్లోనే ట‌మాటా కెచ‌ప్‌ను త‌యారుచేసుకుంటే అనారోగ్యాల బారినుంచి త‌ప్పించుకోవ‌చ్చ‌ని ఆమె చెబుతున్నారు.

Read More :

Teachers Day | మనిషిని పరిపూర్ణమైన వ్యక్తిగా తీర్చిదిద్దే క్రాంతి ప్రదాతలు ఉపాధ్యాయులు