Health Tips | వేడి నీటితో స్నానం చేస్తున్నారా.. ఇది మీకోసమే!
Health Tips | చర్మం.. పైపొర మాత్రమే కాదు. అదొక ఇంద్రియం. హానికర సూక్ష్మజీవులు ఒంట్లోకి ప్రవేశించకుండా కాపాడే శత్రుదుర్భేద్యమైన కోట. చాలాసార్లు మనం చేసే తప్పులే ఆ కోటను బీటలువారుస్తాయి. అలాంటి పొరపాట్లలో కొన్ని..
Health Tips | చర్మం.. పైపొర మాత్రమే కాదు. అదొక ఇంద్రియం. హానికర సూక్ష్మజీవులు ఒంట్లోకి ప్రవేశించకుండా కాపాడే శత్రుదుర్భేద్యమైన కోట. చాలాసార్లు మనం చేసే తప్పులే ఆ కోటను బీటలువారుస్తాయి. అలాంటి పొరపాట్లలో కొన్ని..
పొడిగా ఉన్న చర్మం మీద బ్లేడు పెట్టకూడదు. తగినంత తేమ అవసరం. పొడి చర్మంపై షేవ్ చేయడం వల్ల గాట్లు, దద్దుర్లు ఏర్పడే ప్రమాదం ఉంది.
చాలామందికి వేడివేడి నీటితో స్నానం చేయడం అలవాటు. నిజానికి గోరువెచ్చని నీటినే వాడాలనేది వైద్యుల సూచన. వేడినీటి వల్ల చర్మం పొడిబారుతుంది. స్వేద రంధ్రాలు, జుట్టు కుదుళ్లు దెబ్బతింటాయి.
చలికాలంలో, మరీ ముఖ్యంగా పొడిబారిన చర్మం ఉన్నప్పుడు మాయిశ్చరైజర్ వాడటం మంచిది. చర్మం దెబ్బతినకుండా కాపాడే గుణం దీనికి ఉంది.
చాలా సందర్భాల్లో చర్మ సంబంధ ఉత్పత్తుల మీద ఉన్న ఎక్స్పైరీ డేట్ను ఎవరూ పట్టించుకోరు. గడువు తేదీ అయిపోయాక వాటివల్ల సమస్య రాదని అనుకోవడం సరికాదు. కొన్నిసార్లు చాలా ప్రమాదకరం!
అవాంఛిత రోమాల్ని తొలగించుకునేందుకు, చర్మం మృదుత్వం కోసం సొంతంగా వాక్సింగ్, త్రెడింగ్ లాంటివి చేసుకుంటారు చాలామంది. ఆ ప్రయత్నాలు వికటించే ఆస్కారం ఉంది. సౌందర్య నిపుణుల సాయం తప్పనిసరి.