మెదడు మరింత చురుగ్గా పనిచేయాలంటే.. అది మస్ట్!

శరీర శ్రమ కండరాల మీద మాత్రమే ఫలితం చూపదు. ఊపిరితిత్తుల్లోకి చేరే గాలి మీద, మెదడుకు అందే ప్రాణ వాయువు మీద, ఆలోచనల మీద... ఇలా అన్నింటిపైనా సానుకూలమైన ప్రభావాన్ని చూపిస్తుంది

శరీర శ్రమ కండరాల మీద మాత్రమే ఫలితం చూపదు. ఊపిరితిత్తుల్లోకి చేరే గాలి మీద, మెదడుకు అందే ప్రాణ వాయువు మీద, ఆలోచనల మీద… ఇలా అన్నింటిపైనా సానుకూలమైన ప్రభావాన్ని చూపిస్తుంది. వ్యాయామం చేసేవారి మానసిక ఆరోగ్యం కూడా గొప్పగా ఉండటానికి ఇదో కారణం. అయితే క్యాలిఫోర్నియా విశ్వవిద్యాలయం పరిశోధకులు ఈ విషయంలో మరో ప్రయోగం చేశారు. 50-74 ఏండ్ల వయసు మధ్య ఉన్న 90 మందిని ఎంచుకున్నారు. వాళ్ల జీవితంలో రోజువారీ శరీరశ్రమను గుర్తించే ట్రాకర్స్‌ అమర్చారు. ఆశ్చర్యంగా, శరీర శ్రమ ఎక్కువగా చేసిన రోజున… మెదడు మరింత చురుగ్గా పనిచేయడాన్ని గమనించారు. దీని వల్ల రెండు విషయాలు స్పష్టం అవుతున్నాయి. నడివయసులో కూడా మన విశ్లేషణా సామర్థ్యాన్ని చురుగ్గా ఉంచుకోవాలి అంటే, క్రియాశీలకంగా ఉండాలి. అలాగే శరీర శ్రమ వల్ల ఎప్పటికో ఫలితాలు రావడం కాదు… అప్పటికప్పుడు మేలు జరిగి తీరుతుంది.