సోయా గింజల్ని తెలుగువాళ్లు తక్కువగానే తింటారు. కానీ వీటిలో పోషకాలు అపారం. ముఖ్యంగా శాకాహారులకు ఎంతో మేలుచేస్తాయి. వీటిలోని యాంటీ ఆక్సిడెంట్లు క్యాన్సర్లను నియంత్రిస్తాయి. సోయా గింజల్లో ఉండే అసంతృప్త కొవ్వులు కొలెస్ట్రాల్ను తగ్గిస్తాయి. తద్వారా గుండె కవాటాల్లో కొవ్వు పేరుకుపోవడాన్ని నిరోధిస్తాయి. వీటిలోని లినోలెయిక్, లినోలెనిక్ యాసిడ్లు రక్తపోటు స్థిరంగా ఉండేలా చేస్తాయి. సోయాలో పీచు మోతాదూ ఎక్కువే. దీంతో జీర్ణవ్యవస్థ సజావుగా పనిచేస్తుంది.
వీటిలోని కాపర్, ఐరన్ ఎర్ర రక్తకణాల తయారీలో కీలకపాత్ర పోషిస్తాయి. అందుకే సోయా తినడం ద్వారా రక్తహీనతను నివారించవచ్చు. చిక్కుడు జాతికి చెందిన సోయా గింజల్లో విటమిన్- బి2, కెతోపాటు క్యాల్షియం, కాపర్, సెలీనియం, మెగ్నీషియం, జింక్లాంటి మినరల్స్ ఎముకల పెరుగుదలకు ఉపయోగపడతాయి. అంతేకాదు, ప్రమాదాల నుంచి ఎముకలు త్వరగా కోలుకోవడానికి సహకరిస్తాయి. వీటిని తినడం వల్ల ఆస్టియోపొరోసిస్లాంటి వ్యాధుల్ని అరికట్టవచ్చు.