తాజాగా ఉండాలంటే..

ఈ ఎండలకు తాజా కూరగాయలు కూడా వడలిపోతున్నాయి. వాటిని తెచ్చుకొని నాలుగు రోజులు ఇంట్లో ఉంచుకుంటే మరింత పాడైతున్నాయి. ఫ్రిజ్‌లో నిల్వ చేసినా తాజాగా ఉండటం లేదు. ఈ పరిస్థితుల్లో కూరగాయల తాజాగా ఉంచుకోవడం ఎట్లా? అనే సందేహం ప్రతి ఇల్లాలికీ ఉన్నదే.

ఈ ఎండలకు తాజా కూరగాయలు కూడా వడలిపోతున్నాయి. వాటిని తెచ్చుకొని నాలుగు రోజులు ఇంట్లో ఉంచుకుంటే మరింత పాడైతున్నాయి. ఫ్రిజ్‌లో నిల్వ చేసినా తాజాగా ఉండటం లేదు. ఈ పరిస్థితుల్లో కూరగాయల తాజాగా ఉంచుకోవడం ఎట్లా? అనే సందేహం ప్రతి ఇల్లాలికీ ఉన్నదే. ఈ సందేహం ఉన్న వారికోసం ఫుడ్‌ సేఫ్టీ అండ్‌ స్టాండర్ట్స్‌ ఆథారిటీ ఆఫ్‌ ఇండియా కూరగాయల తాజాదనం కాపాడుకునేందుకు కొన్ని సూచనలు చేసింది. అవేమింటే..

• కూరగాయలు, ఆకుకూరలు ఇంటికి తీసుకురాగానే.. ఆలస్యం చేయకుండా శుభ్రంగా కడగాలి.
• కడిగిన కూరగాయలు, ఆకుకూరలను వెంటనే ఫ్రిజ్‌లో పెట్టకూడదు. వాటిని ఉతికిన వస్త్రం, లేదా శుభ్రమైన పేపర్‌(న్యూస్‌ పేపర్‌ వాడకూడదు)తో తుడవాలి.
• ఆకుకూరల్లో నీరు ఎక్కువగా ఉంటుంది. కడినప్పుడు మిగిలి ఉండే నీటి వల్ల అవి పాడైపోతాయి. కాబట్టే ఆరేంత వరకు వాటిని బయటి వాతావరణంలోనే ఉంచాలి. నెట్‌ (వల)లాగా ఉండే సంచులు లేదా గాలి ప్రసరించే బ్యాగుల్లో పెట్టి ఫ్రిజ్‌లో పెట్టుకోవాలి.
• కూరగాయలను ప్లాస్టిక్‌ బ్యాగుల్లో, కంటెయినర్లలో పెట్టి ఫ్రిజ్‌లో ఉంచకూడదు. అధిక తేమ ప్రభావం వాటిపైనా పడితే పాడైపోతాయి. ట్రేలు, కంటెయినర్లపై మూతలు లేకుండా జాగ్రత్తపడాలి.
• వారానికి సరిపోయే కూరగాయలు తెచ్చి ఫ్రిజ్‌లోని అరలు నింపుతారు. ఇలా నింపడం వల్ల కూడా కూరగాయలు పాడైపోయే ప్రమాదముంది. గాలి సరిగా ప్రసరించకపోతే అడుగున ఉండిపోయిన కూరగాయలు పాడవుతాయి. వాటిలో పెరిగిన బ్యాక్టీరియా పై కూరగాయలకూ విస్తరిస్తుంది. కూరలు, పొడులు, వంటకాలనూ పాడుచేస్తుంది. అందుకే, వారానికి కాకుండా.. మూడు రోజులకు సరిపడా కాయగూరలు తెచ్చి, శుభ్రంగా కడిగి వాడుకోడం మేలు.