పొద్దున్నే లేస్తే.. శుభోదయం!

ఉదయాన్నే నిద్ర లేచేవారు టైప్‌-2 డయాబెటిస్‌ బారిన పడే ఆస్కారం తక్కువని తాజా అధ్యయనంలో తేలింది. ఉదయాన్నే నిద్రలేచే అలవాటు వల్ల బ్రేక్‌ ఫాస్ట్‌ కూడా చాలా త్వరగా పూర్తి చేస్తారు. దీంతో రక్తంలోని ఇన్సులిన్‌ లెవెల్స్‌, చక్కెర స్థాయిలు అదుపులోనే ఉంటాయంటున్నారు పరిశోధకులు. భోజనం చేసే సమయం, రక్తంలో చక్కెర, ఇన్సులిన్‌ స్థాయిల మధ్య ప్రత్యక్ష సంబంధం ఉందని అమెరికాలో జరిపిన ఓ సర్వేలో 10,571మందిని పరిశీలించి మరీ తేల్చారు. తొందరగా బ్రేక్‌ ఫాస్ట్‌ చేసిన వారిలో రక్తంలోని చక్కెర స్థాయి అదుపులో ఉంటుందనీ, ఇన్సులిన్‌ స్థాయిలో హెచ్చుతగ్గులు లేకుండా ఉంటాయనీ నిర్ధారించారు. మన ఆహార వేళలతో మన శరీర జీవక్రియ ముడిపడి ఉంటుంది. ఉదయాన్నే తీసుకొనే అల్పాహారం రోజులో అతి ముఖ్యమైన భోజనం. రోజంతా ఉత్సాహంగా ఉండటానికి తోడ్పడుతుంది. అందుకే ప్రొటీన్లు, ఆరోగ్యకరమైన కొవ్వులు, ఫైబర్‌ లాంటివి ఎక్కువగా ఉన్న అల్పాహారంతో రోజును ప్రారంభించడం మంచిది. పళ్లెంలో పండ్లు, గింజలు, పెరుగు, కూరగాయలు, గుడ్లు తదితరాలు ఉండేలా చూసుకోవాలి.

ఇవి కూడా చ‌ద‌వండి:

బ్రిటన్‌లో.. తెలుగు జెండా!

లచ్చింపురం బాపమ్మ బిడ్డెనూ!

మినుప గారెలు

వెన్నుకు దన్ను

కాలితో కుంచెపట్టి..