Breakfast Choice | ప్రొటీన్ రిచ్‌ బ్రేక్‌ఫాస్ట్‌తో ఏకాగ్ర‌త : తాజా అధ్య‌య‌నంలో వెల్ల‌డి

Breakfast Choice : ప్రొటీన్ అధికంగా ఉండే ఆహారం బ్రేక్‌ఫాస్ట్‌గా తీసుకుంటే ఏకాగ్ర‌త పెర‌గ‌డంతో పాటు క‌డుపు నిండిన భావ‌న క‌లుగుతుంద‌ని తాజా అధ్య‌య‌నంలో వెల్ల‌డైంది.

Breakfast Choice : ప్రొటీన్ అధికంగా ఉండే ఆహారం బ్రేక్‌ఫాస్ట్‌గా తీసుకుంటే ఏకాగ్ర‌త పెర‌గ‌డంతో పాటు క‌డుపు నిండిన భావ‌న క‌లుగుతుంద‌ని తాజా అధ్య‌య‌నంలో వెల్ల‌డైంది. 18 నుంచి 30 ఏండ్ల‌లోపు వ‌య‌సున్న ఊబ‌కాయం క‌లిగిన మ‌హిళ‌ల‌పై ఈ అధ్య‌య‌నం నిర్వ‌హించారు. వీరిపై ప్రొటీన్ రిచ్‌, కార్బోహైడ్రేట్ రిచ్‌, బ్రేక్‌ఫాస్ట్‌కు దూరంగా ఉండ‌టం వంటి భిన్న ప‌రిస్ధితుల‌పై ప‌రిశోధ‌న సాగించారు.

అర్హాస్ యూనివ‌ర్సిటీ, డెన్మార్క్ చేప‌ట్టిన ఈ ప‌రిశోధ‌న‌లో ప్రొటీన్ అధికంగా ఉండే బ్రేక్‌ఫాస్ట్‌తో ఏకాగ్ర‌త‌, తృప్తి భావన పెరిగిన‌ట్టు గుర్తించినా బ్రేక్‌ఫాస్ట్ నిలిపివేయ‌డం, కార్బోహైడ్రేట్స్‌తో కూడిన బ్రేక్‌ఫాస్ట్ తీసుకోవ‌డంతో పోలిస్తే రోజువారీ స‌గ‌టు క్యాల‌రీల విష‌యంలో త‌గ్గుద‌ల లేద‌ని గుర్తించారు.

కేవ‌లం ప్రొటీన్ అధికంగా ఉన్న అల్పాహారం తీసుకోవ‌డం స‌రిపోద‌ని, ఇది ఒక్క‌టే దీటైన ప‌రిష్కారం కాద‌ని అధ్య‌య‌న ర‌చ‌యిత, అసిస్టెట్ ప్రొఫెస‌ర్ మెటీ హ‌న్సెన్ పేర్కొన్నారు. ప్రొటీన్‌తో కూడిన ఆహారంతో క‌డుపు నిండిన భావన క‌ల‌గ‌డం బ‌రువు త‌గ్గేందుకు ఉప‌యోగ‌ప‌డుతుంద‌ని అధ్య‌య‌న ఫ‌లితాలు వెల్ల‌డించాయ‌ని అన్నారు. పోష‌కాహార వ్యూహం స‌రైన ఫ‌లితాలు ఇస్తుంద‌ని వెల్ల‌డైనా కేవ‌లం ప్రొటీన్ అధికంగా ఉండే అల్పాహారం తీసుకోవ‌డం ఒక్క‌టే స‌రిపోద‌ని స‌ర్వే ఫ‌లితాలు సూచిస్తున్నాయి.

Read More :

Farmers Protest | నిరసనలో ట్రాక్టర్‌ ట్రాలీలు ఎందుకు..? హైకోర్టు మందలింపు..!