గైనిక్‌ రోబో

గైనకాలజీ.. ప్రత్యేక నైపుణ్యం అవసరమైన వైద్య విభాగం. కాబట్టే, శస్త్రచికిత్సలలో రోబోలు అడుగుపెట్టాయి. రోగి భద్రతకు బాసటగా నిలుస్తున్నాయి.

గైనకాలజీ.. ప్రత్యేక నైపుణ్యం అవసరమైన వైద్య విభాగం. కాబట్టే, శస్త్రచికిత్సలలో రోబోలు అడుగుపెట్టాయి. రోగి భద్రతకు బాసటగా నిలుస్తున్నాయి. రోబోటిక్‌ సర్జరీ వల్ల మహిళలకు అనేక ఉపయోగాలు.

• రోబోటిక్‌ టెక్నాలజీ వల్ల సంక్లిష్టమైన శస్త్రచికిత్స కూడా సులువుగా జరిగిపోతుంది. రోబో.. సర్జరీ చేయాల్సిన ప్రాంతాన్ని త్రీడీలో చూపిస్తూ, వైద్యుడికి సాయపడుతుంది.
• రోబోటిక్‌ పరికరాలు చాలా ఒడుపుగా, ఎటైనా తిరగగలిగేలా ఉంటాయి. వీటితో రోగి శరీరంలోని ఏ భాగానికైనా తేలికగా చేరుకోవచ్చు.
• నామమాత్రపు కోతలతోనే సర్జరీ విజయవంతంగా పూర్తవుతుంది. దీనివల్ల పెద్దగా నొప్పి, గాయం, మచ్చ లేకుండానే రుగ్మత నుంచి కోలుకుంటారు.
• ఒంటికి కోత అంటేనే రక్తస్రావం. మరీ ముఖ్యంగా ఫైబ్రాయిడ్స్‌ లాంటి గడ్డలు తొలగించేటప్పుడు సమస్య మరీ ఎక్కువ. కానీ రోబోటిక్‌
  సర్జరీలో ఈ అవరోధం ఉండదు.
• రోబోటిక్‌ సర్జరీ అతితక్కువ సమయంలో పూర్తవుతుంది. కోలుకోవడానికి ఎక్కువ రోజులు పట్టదు. కాబట్టి, రోజుల తరబడి ఆసుపత్రిలో
  గడపాల్సిన అవసరం ఉండదు.

..అన్నిటికీ మించి మహిళల్లో సంతానోత్పత్తికి సంబంధించిన భాగాలు చాలా సూక్ష్మంగా, సున్నితంగా ఉంటాయి. వీటికి శస్త్రచికిత్స చేసేటప్పుడు చుట్టుపక్కల అవయవాలు దెబ్బతినే ఆస్కారం ఎక్కువ. రోబోటిక్‌ సర్జరీతో ఈ ఇబ్బంది తప్పుతుంది.