బాదం ఫలహారం.. ఒంటి బరువు వదిలించే తిరుగులేని ఫార్ములా అని చెబుతున్నారు పోషకాహార నిపుణులు. యూనివర్సిటీ ఆఫ్ సౌత్ ఆస్ట్రేలియా ఆహార శాస్త్రవేత్తలు.. ఎంపిక చేసుకున్న వ్యక్తుల ఫలహార అలవాట్లపై ఓ కన్నేసి ఉంచారు. కార్బొహైడ్రేట్స్, కొవ్వు పుష్కలంగా ఉన్న స్నాక్స్ స్థానంలో బాదం పప్పును చిరుతిండిగా చేర్చారు.
ఆశ్చర్యకరంగా ఆరు నెలల్లోపే గణనీయంగా బరువు వదిలించుకున్నారు ఆ వ్యక్తులు. బాదం పప్పు ఆకలిని నియంత్రించే హార్మోన్లను సానుకూలంగా ప్రభావితం చేయడమే దీనికి కారణం. ఫలితంగా, గతంతో పోలిస్తే వాళ్లంతా మితాహారులుగా మారిపోయారు. ఈ అధ్యయన ఫలితాల ఆధారంగా.. రోజుకు 30 నుంచి 50 గ్రాముల బాదం తీసుకోవడం ద్వారా సమీప భవిష్యత్తులో బరువు తగ్గించుకోవచ్చని నిపుణులు భరోసా ఇస్తున్నారు. దీనికి వ్యాయామం తోడైతే తిరుగే ఉండదు.