పులిపుర్లు అనేవి హ్యుమన్ పాపిలోమా వైరస్ (హెచ్పీవీ) వల్ల ఏర్పడతాయి. ఇవి వైరస్ ఇన్ఫెక్షన్లు. పులిపిర్లు ఓ అంటువ్యాధి. శరీరంలో ఒకచోటు నుంచి మరోచోటుకు వ్యాపిస్తాయి. పులిపిర్లలో వివిధ రకాలున్నాయి. చేతులపై వచ్చేవి సాధారణ పులిపిర్లు. అరికాళ్లపై వచ్చే వాటిని ప్లాంటార్ పులిపిర్లు అని పిలుస్తారు. ఫ్లాట్ పులిపుర్లు శరీరంపై ఎక్కడైనా కనిపించవచ్చు. కళ్లు, పెదవుల చుట్టూ కనిపించేవాటిని ఫిలిఫార్మ్ పులిపిర్లు అని పిలుస్తారు. వీటిని అనవసరంగా తాకకూడదు. ఐదు రకాల సహజ పద్ధతుల్లో వీటిని తొలగించుకోవచ్చని వైద్యులు చెబుతున్నారు.
1.టీ ట్రీ ఆయిల్..
టీ ట్రీ ఆయిల్ను పులిపిర్లపై అప్లై చేసి, కొన్ని గంటల పాటు అలాగే ఉంచాలి. టీ ట్రీ ఆయిల్లో కొన్ని చుక్కల కాస్టర్ ఆయిల్ కలపాలి. వాటిని పులిపిర్ల మీద కాటన్ బాల్తో అప్లై చేయాలి. ప్రతిరోజూ రెండు, మూడు సార్లు ఇలా చేస్తూ ఉండాలి. దీంతో కొద్దిరోజుల్లోనే పులిపిర్లు రాలిపోతాయి.
2. విటమిన్ ఈ మాత్రలు..
ఒక విటమిన్ ఈ క్యాప్సూల్ తీసుకొని పులిపిర్లపై అప్లై చేయాలి. అనంతరం దానిపై బ్యాండేజీ వేయాలి. రాత్రంతా అలాగే ఉంచాలి. కనీసం రెండు వారాలపాటు ఇలా చేస్తూ ఉంటే మంచి ఫలితం ఉంటుంది.
3. ఆముదం..
ఆముదం చాలా ప్రభావవంతంగా పనిచేస్తుంది. పులిపిర్లపై ప్రతిరోజూ రెండుసార్లు ఆముదాన్ని అప్లై చేయాలి. ఇలా సుమారు రెండు వారాలపాటు చేస్తే ఫలితం కనిపిస్తుంది.
4. ఆపిల్ సైడర్ వెనిగర్..
ఆపిల్ సైడర్ వెనిగర్ ఒక పాపులర్ హోం రెమెడీ. పులిపిర్లను తొలగించడంలో ఇది చాలా ప్రభావవంతంగా పనిచేస్తుంది. ఒక భాగం నీటిలో రెండు చుక్కల ఆపిల్ సైడర్ వెనిగర్ను కలుపాలి. ఈ మిశ్రమంలో కాటన్ బాల్ను నానబెట్టి 15 నిమిషాలపాటు అప్లై చేస్తూనే ఉండాలి. ఇలా రెండువారాలు చేస్తే పులిపిర్లు వాటంతట అవే రాలిపోతాయి.
5. అలోవెరా..
తాజా కలబంద గుజ్జును తీసుకోవాలి. ప్రతిరోజూ ఆ జెల్ను పులిపిర్లపై అప్లై చేస్తూ ఉండాలి. ఇలా చేస్తూ ఉంటే కొన్నిరోజులకే మంచి ఫలితం కనిపిస్తుంది.