Visit:
Rain Garden On Begumpet Nala Beautification (1)
మూసీ రివర్‌ ఫ్రంట్‌ పేరిట ప్రత్యేకంగా కార్పొరేషన్‌ ఏర్పాటు చేసి మూసీ నదిని అందంగా తీర్చిదిద్దుతున్న ప్రభుత్వం మరో ముందడుగు వేసింది.
మూసీ సుందరీకరణలో భాగంగా ఫతేనగర్‌ మురుగు నీటి శుద్ధి కేంద్రం నుంచి బేగంపేట రెయిన్‌ గార్డెన్‌ వరకు 1.9 కిలోమీటర్ల మేర వాటర్‌ ఫ్రంట్‌ డెవలప్‌మెంట్‌ ఏర్పాటుకు శ్రీకారం చుట్టారు.
ఈ మేరకు డిటెల్ట్‌ ప్రాజెక్టు రిపోర్టు రూపొందించేందుకు జీహెచ్‌ఎంసీ టెండర్లను ఆహ్వానించారు.
వాటర్‌ ఫ్రంట్‌ వాక్‌వేలు, వాటర్‌ వే, సైక్లింగ్‌ ట్రాక్‌లు, ఎకో పార్కు, గ్రీనరీ, ల్యాండ్‌ స్క్రేపింగ్‌, ఈవెంట్‌ స్పేస్‌, పెద్దలకు, చిన్నారులకు యాక్టివిటీ జోన్‌,
శిల్పాలు, ఓపెన్‌ థియేటర్‌, వాటర్‌ ఫ్రంట్‌ ఫ్లోటింగ్‌ డక్‌లు, ఫుడ్‌ కోర్టులు తదితర ఏర్పాటుతో పర్యాటక క్షేత్రంగా తీర్చిదిద్దనున్నారు.
అంతే కాకుండా, నగర సంస్కృతి, సంప్రదాయాలను ప్రతిబింబించేలా 14 చోట్ల బ్రిడ్జిల నిర్మాణాలకు టెండర్లు ఆహ్వానించారు.
త్వరలోనే పనులకు శంకుస్థాపన చేయనున్నారు. వీటి తో పాటు ప్రధానంగా మంచిరేవుల నుంచి గౌరెల్లి వరకు మూసీ పొడవునా 55 కిలోమీటర్ల మేరలో రూ.10 వేల కోట్లతో ఎక్స్‌ప్రెస్‌వే నిర్మాణానికి కట్టుబడి ఉన్నామని ఇటీవల మంత్రి కేటీఆర్‌ ప్రకటించారు.
ఇదే సమయంలో జీడిమెట్ల నుంచి హుస్సేన్‌సాగర్‌ తీరం వరకు ఉన్న కూకట్‌పల్లి నాలా వెంబడి కొత్త అందాలను పరిచయం చేయాలని నిర్ణయించారు.
మూసీ సుందరీకరణలో ఈ నాలా వెంబడి బేగంపేట వద్ద రెయిన్‌ గార్డెన్‌ను ఏర్పాటు చేశారు.