పిడికిలెత్తిన ఉద్యోగి

ఎంత జెప్పిన గానీ ఏలెటోని సెవ్వు మీద పేను వార్తెనా? సెవిటోని ముందు సెంకూదినట్టు ఉలకడు, పలకడు!

ఎంత జెప్పిన గానీ
ఏలెటోని
సెవ్వు మీద పేను వార్తెనా?

సెవిటోని ముందు
సెంకూదినట్టు
ఉలకడు, పలకడు!

ఒకటో తారీఖని
ఒకటే పదం పాడుతుంటే
సంకలెగరేస్తిమి
సంబురవడ్తిమి.!
ఏండ్ల సంది
తీసుకొన్నట్టే?!
ఇందులో
కొత్తదనమేముంది
సెప్పుకుంటే సిగ్గువాయె
ఊరుకుంటే పానంబాయె!

ఇర్కుటాన వడి
కుడ్తిల వడ్డ ఎల్కతీర్గ
తండ్లాడుతున్నం

కుటిలవాజి గాళ్ల కుట్రలకు
ఎన్ని రోజులు బలిగావాలే?

కడుపుల ఇసం నాల్కనతీపి
ఏరు దాటి తెప్ప తగులబెట్టిన తీర్గ
నమ్మించి నట్టేట్ల ముంచుతుంటే
ఉద్యోగులు ఎన్నాళ్లు భరిస్తరు?

ఉద్యోగులు రెండాకులు
ఎక్కువ జదివినోళ్లు

ఎన్నాళ్లంట ఉద్యోగులు
వాళ్ల చెప్పు కింద తేళ్ల తీర్గ
అణిగి మణిగుంటరు.?

నల్గురు పల్కిందే మాట
నలుగురు మెచ్చిందే నడుత
నల్గురు నడిసిందే బాట!

ఉద్యోగులు ఇప్పుడు
బాధ్యతతో పనిచేస్తూనే
హక్కుల కోసం
పిడ్కిలి బిగించిండ్రు!

– కె. శ్యామ్‌ ప్రసాద్‌ 9398507940