అతడు ఏరు లాంటివాడు
ఆ ఊరు, ఈ ఊరు తిరుగుతాడు
బీళ్ళను, మోళ్ళను తడుపుతాడు
దారి తప్పడు మాట తప్పడు
అతడు నిన్న నినదించిన గొంతుక
నేడు ప్రబోధించిన నాలుక
నిన్న అలలై ఎగిసిన సముద్రం
నేడు కలలై విరిసిన సమస్తం
అతడు ఒక తంతు లానో ఒక వంతు లానో పన్జేద్దామనుకోడు
ఈ నేలతో బంధం పెట్టుకొని
జలంతో అభిషేకిద్దామని కల కన్నాడు
కలని సాకారం చేసాడు
అతడు గురిలో ఎదురులేని వాడు
బరిలో పులిలా లంఘించే యుద్ధ కళ ఎరిగినవాడు
సృజన లోకాలకు దారి చూపినవాడు
నవ్యాలోచనలకు బీజం వేసినవాడు
కొత ్తఆవిష్కరణలకు రెక్కలు తొడిగినవాడు
దేశానికి బహుమానం అతడు
వివేక నవ తరానికి సారథి అతడు
విషాద గతానికి, విప్లవ వర్తమానానికి వారధి అతడు
తన పనితనాన్ని, ప్రగతిని వీక్షించక
పరిహసించే ప్రతిపక్షాలకు
నోటి దురుసు నాయకులకు
ప్రగతితోనే సమాధానం చెప్పే నాయకుడతను
– కోటం చంద్రశేఖర్
94920 43348