gulab cyclone | జూలోకి పోటెత్తిన వరద, జ‌ల‌మ‌య‌మైన‌ సఫారీ మార్గం

చార్మినార్ : గులాబ్‌తుఫాన్‌ వల్ల కురిసిన భారీ వర్షానికి పాతనగరంలోని మీర్‌అలం చెరువు అలుగు పారింది. పై ప్రాంతాల నుంచి వచ్చిన భారీ వరదనీటితో మీర్‌అలం చెరువు నిండుకుండలా మారింది. జూ పార్క్​‍ ఆవరణవైపు కొనసాగుతున్న మీర్ అలం చెరువు వరద అధికమై జూలోని సఫారీలోకి భారీగా వరదనీరు వచ్చి చేరింది. గత రెండు రోజులుగా కురిసిన‌ భారీ వర్షాలతో సఫారీ మార్గంలోకి వరదనీరు వచ్చి చేరడంతో మంగళవారం ఉదయం జూను సందర్శించిన పర్యాటకులు ఆ మార్గంలో ప్రయాణించడానికి స్వల్పంగా ఇబ్బందులు పడ్డారు.

సందర్శకులు ఇబ్బందులు పడుతున్న విషయాన్ని గుర్తించిన జూ పార్క్​‍ అధికారులు వెనువెంటనే సమస్యల పరిష్కా రానికి చర్యలు తీసుకున్నారు. సఫారీ సమీపంలోని చెరువుతోకి వరదనీరు చేరుకోడానికి అడ్డంకిగా మారిన ప్రాంతాలను గుర్తించి నివారణ చర్యలు తీసుకున్నారు. వరదనీటి ప్రధాన కాలువల్లోని అడ్డంకులను గుర్తిస్తూ సిబ్బంది వాటిని తొలగించ డానికి ప్రయత్నించారు.