Kaleru venkatesh | మందులు అంద‌జేసి ఉదార‌త చాటుకున్న ఎమ్మెల్యే కాలేరు వెంక‌టేశ్

అంబర్‌పేట : అంబ‌ర్‌పేట ఎమ్మెల్యే కాలేరు వెంక‌టేశ్ అనారోగ్యంతో బాధ‌ప‌డుతున్న వ్య‌క్తికి స‌హాయం చేసి త‌న ఉదార‌త‌ను చాటుకున్నారు. బాగ్‌అంబర్‌పేట డివిజన్‌ భరత్‌నగర్‌కు చెందిన కాపరవేని నర్సింగ్‌రావు కొవిడ్‌ సమయంలో అనారోగ్యానికి గురయ్యారు. గుండె సంబంధిత స‌మ‌స్య మూలంగా అతనికి ఆపరేషన్‌ చేసి స్టంట్స్​‍ వేశారు.

మందులు కొనేందుకు ఆర్థిక పరిస్థితి అంతంత మాత్రమే ఉంది. ఈ విష‌యం తెలిసిన అంబ‌ర్‌పేట ఎమ్మెల్యే కాలేరు వెంక‌టేశ్ వెంట‌నే స్పందించారు. తన సొంత‌ ఖర్చులతో మందులు అందిస్తానని హామీ ఇచ్చారు.

ఈ మేరకు శుక్రవారం భరత్‌నగర్‌లోని నర్సింగ్‌రావు ఇంటికి వెళ్లిన ఎమ్మెల్యే అతన్ని పరామర్శించి రూ.12వేల విలువ చేసే మందులను అందజేశారు. ఆరోగ్య పరిస్థితిని అడిగి తెలుసుకొని జాగ్రత్తగా ఉండాలని చెప్పారు.