TTD | ముగిసిన టీటీడీ పాలక మండలి పదవి కాలం.. స్పెసిఫైడ్‌ అథారిటీని నియమించిన ప్రభుత్వం

TTD | తిరుమల,తిరుపతి దేవస్థానం పాలక మండలి పదవి కాలం ముగియడంతో ఏపీ ప్రభుత్వం దాని స్థానంలో స్పెసిఫైడ్‌ అథారిటీ ని నియమించింది.

తిరుమల : తిరుమల,తిరుపతి దేవస్థానం పాలక మండలి ( TTD Governing Body ) పదవి కాలం ముగియడంతో ఏపీ ప్రభుత్వం దాని స్థానంలో స్పెసిఫైడ్‌ అథారిటీ ( Specified Authority ) ని నియమించింది. గత రెండేళ్లుగా చైర్మన్‌గా కొనసాగుతున్న బీఆర్‌ నాయుడు ( BR Naidu ) , సభ్యుల పదవికాలం అక్టోబర్‌ 31న ముగిసింది. కూటమి ప్రభుత్వం అధికారంలోకి వచ్చిన తరువాత 2024 నవంబర్ 1న టీటీడీ పాలకమండలిని, ఛైర్మన్‌గా బీఆర్ నాయుడును నియమించింది.

ఈ పాలకమండలి రెండేళ్ల పదవీ కాలం శనివారంతో ముగియడంతో ముగ్గురు అధికారులతో స్పెసిఫైడ్‌ అథారిటీని నియమిస్తూ ఉత్తర్వులు జారీ చేసింది. టీటీవో ఈవో ముద్దాడ రవీచంద్రను అథారిటీ చైర్మన్‌గా , సభ్యులుగా ఆర్థికశాఖ కార్యదర్శి వినయ్‌చంద్‌, దేవదాయశాఖ కార్యదర్శి కన్నబాబును నియమించింది. ఎన్నికల కోడ్ అమల్లో ఉండటం, ఎన్నిక ప్రక్రియ ముగిసిన తర్వాతే కొత్త పాలకమండలిని నియమించే అవకాశం ఉంది.