Special Festivals | జనవరి నెలలో తిరుమల శ్రీవారి ఆలయంలో విశేష పర్వదినాలు

Special Festivals | 2026 జనవరి నెలలో శ్రీవారి ఆలయంలో విశేష పర్వదినాల వివరాలు టీటీడీ అధికారులు ప్రకటించారు.

తిరుమల : 2026 జనవరి నెలలో శ్రీవారి ఆలయంలో విశేష పర్వదినాల ( Special Festivals ) వివరాలు టీటీడీ ( TTD ) అధికారులు ప్రకటించారు. జనవరి 4న శ్రీవారి ప్రణయ కలహ మహోత్సవం, 8న శ్రీవారి సన్నిధిన పెద్ద శాత్తుమొర, 12న అధ్యయనోత్సవాలు సమాప్తి కార్యక్రమాలను నిర్వహిస్తామని వివరించారు.

13న తిరుమల శ్రీవారు తిరుమల నంబి సన్నిధికి వేంచేపు, 14న భోగి, 15న మకర సంక్రాంతి, సుప్రభాతసేవ పునఃప్రారంభం ఉంటుందని వెల్లడించారు. 16న కనుమ పండుగ, తిరుమల శ్రీవారు పార్వేట మండపానికి వేంచేపు, 18న పురందరదాసుల ఆరాధన మహోత్సవం, 23న వసంత పంచమి, 25న రథ సప్తమి కార్యక్రమాలను వైభవంగా నిర్వహించనున్నట్లు పేర్కొన్నారు.