YouTuber | సీసీటీవీ కెమెరాను హ్యాక్ చేసి యూట్యూబ‌ర్ వ్య‌క్తిగ‌త వీడియో బ‌ట్ట‌బ‌య‌లు

ఓ యువ యూట్యూబ‌ర్ (YouTuber) ప్రైవేట్ జీవితానికి సంబంధించిన కొన్ని దృశ్యాలు ఆన్‌లైన్‌లో లీక్ అవ‌డం క‌ల‌క‌లం రేపింది. ముంబైకి చెందిన 21 ఏండ్ల యూట్యూబ‌ర్ ఈ ఘ‌ట‌న‌లో బాధితుడిగా మారాడు.

ముంబై : ఓ యువ యూట్యూబ‌ర్ (YouTuber) ప్రైవేట్ జీవితానికి సంబంధించిన కొన్ని దృశ్యాలు ఆన్‌లైన్‌లో లీక్ అవ‌డం క‌ల‌క‌లం రేపింది. ముంబైకి చెందిన 21 ఏండ్ల యూట్యూబ‌ర్ ఈ ఘ‌ట‌న‌లో బాధితుడిగా మారాడు. అత‌డి సీసీటీవీ హ్యాక్ అయిన అనంత‌రం ప్రైవేట్ జీవితానికి సంబంధించిన క్ష‌ణాలు ఆన్‌లైన్‌లో ప్ర‌త్య‌క్షం కావ‌డంతో యూట్యూబ‌ర్ పోలీసుల‌కు ఫిర్యాదు చేశాడు. ఇలాంటి ఘ‌ట‌న‌లు ప్రైవ‌సీపై ఆందోళన రేకెత్తిస్తున్నాయి. న‌వంబ‌ర్ 17న బాంద్రాకు చెందిన యువ ట్యూబ‌ర్ సీసీటీవీ కెమెరా హ్యాక‌యింది.

ఈస్పోర్ట్స్ ప్లేయ‌ర్ కూడా అయిన యూట్యూబ‌ర్ ఇటీవ‌ల బాత్రూం నుంచి బ‌య‌ట‌కు రాగానే అత‌డికి తెలియ‌కుండానే సీసీటీవీని వాడుతూ అభ్యంత‌ర‌క‌ర దృశ్యాలు రికార్డ‌య్యాయి. ఆపై ఈ వీడియో సోష‌ల్ మీడియాలో చ‌క్క‌ర్లు కొట్ట‌డంతో డిసెంబ‌ర్ 10న ఈ విష‌యం యూట్యూబ‌ర్ దృష్టికి రాగా అత‌డు పోలీసుల‌కు ఫిర్యాదు చేశాడు.

యూట్యూబ‌ర్ బెడ్రూంలోని సీసీటీవీ కెమెరాతో హ్యాక‌ర్ ఎలా యాక్సెస్ అయ్యాడ‌నే వివ‌రాల‌పై పోలీసులు ఆరా తీస్తున్నారు. యూట్యూబ‌ర్ సీసీటీవీ హ్యాక్ కావ‌డంతో అతడి ప్రైవేట్ జీవితానికి సంబంధించిన వీడియో ఇన్‌స్టాగ్రాం, టెలిగ్రాం, ఇత‌ర సోష‌ల్ మీడియా వేదిక‌ల‌పై విస్తృతంగా షేర్ చేశారు.

Read More :

Brazilian Singer | లైవ్‌ ప్రదర్శన ఇస్తూ.. స్టేజ్‌పై కుప్పకూలి ప్రాణాలు కోల్పోయిన ప్రముఖ సింగర్‌