Crime News | ఆ బంధానికి అడ్డుగా ఉన్నాడ‌ని 24 ఏళ్ల కొడుకును ప్రియుడితో క‌లిసి చంపిన త‌ల్లి..!

Crime News | వివాహేత‌ర బంధానికి అడ్డుగా ఉన్నాడ‌ని ఓ త‌ల్లి ప్రియుడితో క‌లిసి క‌న్న‌కొడుకునే హ‌త్య‌చేసింది. క‌ర్ణాట‌క (Karnataka) రాష్ట్రం బెళ‌గావి (Belagavi) జిల్లా మాళ‌మారుతి పోలిస్‌స్టేష‌న్ ప‌రిధిలో న‌వంబ‌ర్ 1న చోటుచేసుకున్న‌ ఈ ఘ‌ట‌నలో త‌ల్లే హంత‌కురాలిగా తేలింది. దాంతో పోలీసులు మృతుడి త‌ల్లిని, ఆమె ప్రియుడిని, ఈ హ‌త్య‌కు స‌హ‌క‌రించిన ప్రియుడి స్నేహితుల‌ను అరెస్ట్ చేశారు.

Crime News : వివాహేత‌ర బంధానికి అడ్డుగా ఉన్నాడ‌ని ఓ త‌ల్లి ప్రియుడితో క‌లిసి క‌న్న‌కొడుకునే హ‌త్య‌చేసింది. క‌ర్ణాట‌క (Karnataka) రాష్ట్రం బెళ‌గావి (Belagavi) జిల్లా మాళ‌మారుతి పోలిస్‌స్టేష‌న్ ప‌రిధిలో న‌వంబ‌ర్ 1న చోటుచేసుకున్న‌ ఈ ఘ‌ట‌నలో త‌ల్లే హంత‌కురాలిగా తేలింది. దాంతో పోలీసులు మృతుడి త‌ల్లిని, ఆమె ప్రియుడిని, ఈ హ‌త్య‌కు స‌హ‌క‌రించిన ప్రియుడి స్నేహితుల‌ను అరెస్ట్ చేశారు. ఘ‌ట‌న‌పై కేసు న‌మోదుచేసి ద‌ర్యాప్తు జ‌రుపుతున్నారు.

వివ‌రాల్లోకి వెళ్తే.. విజయ్‌ నారాయణ (24) అనే యువకుడు, త‌న తల్లి మీనా నారాయణ (44) తో క‌లిసి బెంగ‌ళూరులో ఉంటున్నాడు. కొన్నేళ్ల కిందట విజ‌య్ భర్త చనిపోవ‌డంతో కుమారుడితో క‌లిసి ఉంటోంది. స్థానికంగా ఓ బ్లూటీ పార్లర్‌లో మేనేజర్‌గా ప‌నిచేస్తోంది. ఆ బ్యూటీ పార్ల‌ర్‌లో మహారాష్ట్రలోని గడెహింగ్లజ తాలూకా తేరణి గ్రామానికి చెందిన రాకేశ్‌ జామూని కారు డ్రైవర్‌గా ప‌నిచేస్తున్నాడు. ఈ క్ర‌మంలో ఇద్ద‌రికి ప‌రిచ‌యం ఏర్ప‌డింది.

ఈ ప‌రిచ‌యం కాస్త వివాహేత‌ర బంధానికి దారితీసింది. ఈ బంధం విజ‌య్ నారాయ‌ణ కంట‌ప‌డ‌టంతో అత‌డు త‌ల్లిపై ఆగ్ర‌హం వ్య‌క్తంచేశాడు. తీరు మార్చుకోవాల‌ని మంద‌లించాడు. దాంతో త‌మ వివాహేత‌ర బంధానికి అడ్డుగా ఉన్న విజ‌య్ నారాయ‌ణ‌ను అడ్డు తొల‌గించుకోవాల‌ని మీనా, ఆమె ప్రియుడు రాకేశ్ నిర్ణ‌యించుకున్నారు. ఆ మేర‌కు కుట్ర‌ప‌న్నారు. ఈ కుట్ర‌లో భాగంగా మీనా ఊరికి వెళ్దామ‌ని త‌న కుమారుడికి చెప్పింది.

కుమారుడు అంగీక‌రించ‌డంతో రాకేశ్ కారులోనే త‌ల్లి మీనా, కొడుకు విజ‌య్ బ‌య‌లుదేరారు. మార్గమధ్యలో మీనా శీతల పానీయంలో నిద్రమాత్రలు కలిపి విజ‌య్‌కి ఇచ్చింది. విజ‌య్ మ‌త్తులోకి జారుకున్న తర్వాత శాలువాతో అతని గొంతుకు ఉరి బిగించి చంపేశారు. బెళగావి వరకు వెళ్లాక మృతదేహాన్ని రోడ్డుపక్కన పడేసిపోయారు. హత్యకు రాకేశ్‌ స్నేహితులు కూడా సహకరించారని ప్రాథమిక దర్యాప్తులో పోలీసులు గుర్తించారు.

ఆ మేర‌కు మృతుడి త‌ల్లి మీనా నారాయణ, ఆమె ప్రియుడు రాకేశ్‌ జామూని, అతని స్నేహితులు సచిన్‌ కాంబ్లె, మనోజ్‌ కాంబ్లె, తమ్మణ్ణ కాంబ్లె, ఏకనాథ కాంబ్లెలను అరెస్టు చేశారు.