Crime News | రోడ్డు దాటించాలని అడిగిన అంధ యువతి.. చీకటి సందులోకి తీసుకెళ్లి దారుణం!

దేవుడు అప్పటికే ఆమెకు అన్యాయం చేశాడు. చిన్న వయసులోనే కళ్లు లాగేసుకున్నాడు. అయినా జీవితంతో పోరాడుతూ జీవనం సాగిస్తోందా 20 ఏళ్ల యువతి. ఆమెపై ఒక నీచుడు దాడి చేశాడు. ఈ ఘటన ఢిల్లీలోని ద్వార్కా ప్రాంతంలో వెలుగు చూసింది. సదరు యువతి రోడ్డుపై నిలబడి ఎవరైనా రోడ్డు దాటించాలని అడిగింది. కానీ ఎవరూ పెద్దగా పట్టించుకోలేదు. అంతలో అటుగా వచ్చాడో కామాంధుడు. రోడ్డు దాటిస్తానని చెప్పి ఒక చీకటి సందులోకి తీసుకెళ్లి ఆమెను బలాత్కరించాడు.

ఆ తర్వాత అక్కడి నుంచి పరారయ్యాడు. ఆ సందులో నుంచి ఎలాగోలా బయటకు వచ్చిన ఆమె.. ఆటో ఎక్కి ఇంటికి చేరుకుంది. తల్లిదండ్రులకు ఈ విషయం తెలియగానే వెంటనే ఆస్పత్రికి తీసుకెళ్లారు. ఆస్పత్రి ద్వారా సమాచారం అందుకున్న పోలీసులు.. వెంటనే రంగంలోకి దిగారు. డిజిటిల్ టెక్నాలజీ సహకారంతో నిందితుడిని చేతన్ ఖన్నా అనే యువకుడిగా గుర్తించారు. అతన్ని అదుపులోకి తీసుకున్న పోలీసులు.. బాధితురాలిని సంప్రదించి ఆమెకు అన్నిరకాల సహకారం అందిస్తామని హామీ ఇచ్చారు.