Yashoda | కోర్టు తీర్పుతో ఆలస్యంగా రానున్న యశోద

తెలుగు, తమిళ, కన్నడ, మలయాళ, హిందీ భాషల్లో నవంబర్‌ 11న ప్రేక్షకుల ముందుకొచ్చిన యశోద (Yashoda) బాక్సాఫీస్ వద్ద మంచి కలెక్షన్లు రాబడుతోంది. కాగా సరోగసీ చుట్టూ జరిగిన పరిణామాల నేపథ్యంలో తెరకెక్కిన ఈ చిత్రంపై కేసు నమోదైన విషయం తెలిసిందే.

November 25, 2022 / 08:18 AM IST

Yashoda | కోర్టు తీర్పుతో ఆలస్యంగా రానున్న యశోద

స్టార్ హీరోయిన్ స‌మంత (Samantha) టైటిల్‌ రోల్‌ పోషించిన చిత్రం యశోద (Yashoda). తెలుగు, తమిళ, కన్నడ, మలయాళ, హిందీ భాషల్లో నవంబర్‌ 11న ప్రేక్షకుల ముందుకొచ్చిన ఈ మూవీ బాక్సాఫీస్ వద్ద మంచి కలెక్షన్లు రాబడుతోంది. కాగా సరోగసీ చుట్టూ జరిగిన పరిణామాల నేపథ్యంలో తెరకెక్కిన ఈ చిత్రంపై కేసు నమోదైన విషయం తెలిసిందే.

ఈవా ఐవీఎఫ్‌ హాస్పిటల్‌ యశోద మేకర్స్ పై హైదరాబాద్‌ సివిల్‌ కోర్టును ఆశ్రయించింది. సినిమాలో తమ ఆస్పత్రిని నెగెటివ్‌ యాంగిల్‌లో చూపించారని, యశోదను నిలిపేయాలని కోరారు. యశోద ఓటీటీ విడుదలను వాయిదా వేయాలని ఆదేశాలు జారీ చేస్తూ కోర్టు తీర్పునిచ్చింది. డిసెంబర్ 19 వరకు యశోదను ఓటీటీలో విడుదల చేయొద్దని మేకర్స్ కు నోటీసులు జారీ చేసింది. ఈ కేసులో తదుపరి విచారణను డిసెంబర్ 19కు వాయిదా వేసింది. కోర్టు తీర్పు నేపథ్యంలో యశోద ఓటీటీలో ఆలస్యంగా రానుంది.

యశోద డిజిటల్ స్ట్రీమింగ్ రైట్స్‌ ను అమెజాన్‌ ప్రైమ్‌ వీడియో దక్కించుకుంది. ఈ చిత్రానికి మణిశర్మ బ్యాక్‌ గ్రౌండ్‌ స్కోర్‌, మ్యూజిక్‌ అందించారు. యశోద చిత్రాన్ని శ్రీదేవి మూవీస్‌ బ్యానర్‌పై శివలెంక కృష్ణప్రసాద్‌ తెరకెక్కించారు. ఉన్ని ముకుందన్‌, రావు రమేశ్‌, మురళీ శర్మ, సంపత్‌ రాజ్‌, వరలక్ష్మి శరత్‌ కుమార్ ఈ చిత్రంలో కీలకపాత్రలు పోషించారు.

సమంత యాక్షన్‌ సీన్ల మేకింగ్‌ వీడియో..