yashika aannand: యాక్సిడెంట్ నుండి కోలుకున్న విజ‌య్ దేవ‌ర‌కొండ బ్యూటీ

November 1, 2021 / 08:55 AM IST

య‌షిక ఆనంద్(yashika aannand).. ఈ అమ్మ‌డు తెలుగు ప్రేక్ష‌కుల‌కి కూడా సుప‌రిచితం. విజ‌య్ దేవ‌ర‌కొండ(Vijay Devarakonda) హీరోగా వ‌చ్చిన నోటా సినిమాలో క‌థానాయిక‌గా న‌టించిది ఈ ముద్దుగుమ్మ‌. ఈ అమ్మ‌డు జూలైలో తమిళనాడులోని మామల్లపురం సెంటర్ మీడియన్‌ సమీపంలో జరిగిన కారు ప్రమాదంలో గాయ‌ప‌డింది. మరో మహిళ ఈ ప్రమాదంలో గాయపడి అక్కడిక్కడే మరణించారు. మ‌ర‌ణించిన మహిళ హైదరాబాద్‌కు చెందిన వల్లిచెట్టి భవానీ (28)గా గుర్తించారు.

కారు ప్రమాదంలో ఇద్దరు ఫ్రెండ్స్ గాయాలతో ప్రాణాలతో బతికి బయటపడ్డారు. పాండిచ్చేరిలో పార్టీ ముగించుకొని చెన్నైకి వస్తుండగా ఈ ప్రమాదం జరిగింది. గ‌త కొద్ది రోజులుగా చెన్నైలోని ప్రైవేటు ఆసుప‌త్రిలో య‌షిక చికిత్స పొందుతుంది. యాషిక కోలుకోవడంతో పోలీసులు కూడా ఆమెపై పలు సెక్షన్ల కింద కేసులు పెట్టారు. యాషిక డ్రైవింగ్ లైసెన్స్ స్వాధీనం చేసుకున్నారు. త్వరలోనే ఆమెను విచారించనున్నారు. కాగా రోడ్డు ప్రమాదంలో తీవ్రంగా గాయపడిన నటి యషికా ఇప్పుడిప్పుడే కోలుకొని నడక ప్రారంభించింది నడుము భాగంలో బలమైన దెబ్బ తగలడంతో నడవడానికి ఆమె ఇబ్బంది పడుతోంది. వైద్యుల సాయంతో నడక ప్రాక్టీస్ చేస్తున్నట్టు ట్వీట్ చేసింది.