గోలయ్య.. జై బాలయ్య..

కోలీవుడ్‌ అగ్రహీరో కార్తి కథానాయకుడిగా తమిళంలో రూపొందిన ‘వా వాతియార్‌' సినిమా తెలుగులో ‘అన్నగారు వస్తారు’ పేరుతో ఈ నెల 12న విడుదల కానుంది. ప్రమోషన్‌లో భాగంగా ఆదివారం ఈ సినిమా నుంచి ఓ పాటను మేకర్స్‌ విడుదల చేశారు.

కోలీవుడ్‌ అగ్రహీరో కార్తి కథానాయకుడిగా తమిళంలో రూపొందిన ‘వా వాతియార్‌’ సినిమా తెలుగులో ‘అన్నగారు వస్తారు’ పేరుతో ఈ నెల 12న విడుదల కానుంది. ప్రమోషన్‌లో భాగంగా ఆదివారం ఈ సినిమా నుంచి ఓ పాటను మేకర్స్‌ విడుదల చేశారు. ‘అలాపిక్కే ఉమ్మక్‌..’ అంటూ సాగే ఈ పాటను రాకేందుమౌళి రాయగా, సంతోష్‌ నారాయణన్‌ స్వరపరచి, ఆలపించారు. ఇక ఈ పాట సాహిత్యం విషయానికొస్తే.. ‘వలయ అహ్‌ కలయ.. గోలయ్య.. జై బాలయ్య.. కలలే వలరా.. గురువా నా మాటే వినరా..’ అంటూ చిత్రమైన లిరిక్స్‌తో పాట సాగింది.

కార్తి ఎనర్జిటిక్‌ స్టెప్స్‌ ఈ పాటకు హైలైట్‌. ఇప్పటికే విడుదలైన ‘అన్నగారు వస్తారు’ సాంగ్‌కి మంచి స్పందన వస్తున్నదని, ఈ పాట కూడా తప్పకుండా అందరికీ నచ్చుతుందని మేకర్స్‌ నమ్మకం వ్యక్తం చేస్తున్నారు. కృతిశెట్టి కథానాయికగా నటించిన ఈ చిత్రంలో సత్యరాజ్‌, మధుర్‌ మిట్టల్‌, ఆనంద్‌రాజ్‌, రాజ్‌కిరణ్‌, శిల్పా మంజునాథ్‌ ఇతర పాత్రధారులు. నలన్‌ కుమారస్వామి దర్శకత్వంలో కె.ఇ.జ్ఞానవేల్‌రాజా ఈ చిత్రాన్ని నిర్మించారు.