Vishwak Sen | క్షమించండి సార్‌.. అర్జున్‌తో వివాదంపై విశ్వక్ సేన్ రియాక్షన్

Vishwak sen | గత రెండు రోజులుగా సోషల్‌ మీడియాలో విశ్వక్‌ సేన్‌, అర్జున్‌ సార్జా వివాదం నడుస్తుంది. ఇటీవలే యాక్షన్‌ కింగ్‌ అర్జున్ ఫిలిం ఛాంబర్‌లో ప్రెస్‌మీట్‌ పెట్టి విశ్వక్‌సేన్‌కు కమిట్‌మెంట్ లేదని సంచలన వాఖ్యలు చేసిన విషయం తెలిసిందే.

Vishwak sen | గత రెండు రోజులుగా సోషల్‌ మీడియాలో విశ్వక్‌ సేన్‌, అర్జున్‌ సార్జా వివాదం నడుస్తుంది. ఇటీవలే యాక్షన్‌ కింగ్‌ అర్జున్ ఫిలిం ఛాంబర్‌లో ప్రెస్‌మీట్‌ పెట్టి విశ్వక్‌సేన్‌కు కమిట్‌మెంట్ లేదని సంచలన వాఖ్యలు చేసిన విషయం తెలిసిందే. విశ్వక్‌ సేన్‌ వల్ల తనకు, తన టీమ్‌కు అవమానం జరిగిందని, తన వల్ల ఎన్నో సార్లు షూటింగ్‌ క్యాన్సిల్ చేయాల్సి వచ్చిందని పేర్కొన్నాడు. రేపు షెడ్యూల్‌ స్టార్ట్ అనగా అర్ధరాత్రి ఫోన్‌ చేసి షూటింగ్‌ కాన్సిల్‌ చేద్దాం అని, స్టోరి డిస్కస్‌ చేసుకుందామని అనే వాడని తెలిపాడు. తన 40ఏళ్ళ ఇండస్ట్రీ కెరీర్‌లో ఇలాంటి కమిట్‌మెంట్‌ లేని నటుడిని చూడలేదని ప్రెస్‌ మీట్‌లో చెప్పిన విషయం తెలిసిందే.

ఈ నేపథ్యంలో తాజాగా అర్జున్ చేసిన ఆరోపణలపై విశ్వక్ సేన్ రియాక్ట్ అయ్యారు. అర్జున్‌తో నెలకొన్న వివాదంపై స్పందిస్తూ ‘ఆరంభంలో ఎన్నో కష్టాలు ఎదుర్కొని ఇప్పుడు నటుడిగా నిలదొక్కుకున్నాను, ఆ కష్టం తెలుసు కాబట్టి నా అంత కమిటెడ్ ఎవ్వరూ ఉండరు. ఈ ఏడాది నేను మూడు సినిమాలు చేశా.. నా వల్ల ఇప్పటివరకు ఏ నిర్మాత బాధపడలేదు. ఒక్క రూపాయి నష్టపోలేదు. నా సినిమాల సెట్స్ లో పని చేసిన ఏ ఒక్క లైట్ బాయ్ అయినా.. నన్ను కమిటెడ్ కాదు, ప్రొఫెషనల్ యాక్టర్ కాదంటే ఇండస్ట్రీ వదిలి వెళ్లిపోతా’ అంటూ విశ్వక్ సంచలన వ్యాఖ్యలు చేశాడు.

అంతేకాకుండా ‘నేనే ఫలానా మార్పు చేస్తే బాగుంటుంది సర్‌ అని చెబితే నువ్వు వదిలేయ్. నన్ను నమ్ము అంటూ చెప్పనిచ్చేవారు కాదు. నన్ను కట్టిపడేసినట్లు అయింది. సినిమా నుండి వెళ్లిపోతానని మాత్రం చెప్పలేదు. షూటింగ్‌ ప్రారంభానికి ముందు నేను క్యాన్సిల్‌ చేయడం తప్పే. నా వల్ల మీరు ఇబ్బంది పడి ఉంటే క్షమించండి సర్‌’ అంటూ విశ్వక్‌ సేన్‌ రియాక్ట్‌ అయ్యాడు.