Cult | విశ్వక్ సేన్‌కు ‘కల్ట్’ డబుల్ షాక్.. ‘లైలా’ కంటే తక్కువ వసూళ్లు, ఇకపై సినిమాల ఎంపికే కీలకం!

Cult | మాస్ కా దాస్ విశ్వక్ సేన్‌కు కొంతకాలంగా బాక్సాఫీస్ వద్ద ఆశించిన విజయాలు దక్కడం లేదు. విభిన్న కథలు, కొత్త తరహా ప్రయోగాలతో ప్రేక్షకుల ముందుకు వస్తున్నప్పటికీ, వరుస పరాజయాలు ఆయన కెరీర్‌పై ప్రభావం చూపుతున్నాయి. ముఖ్యంగా ‘లైలా’ వంటి భారీ నిరాశ తర్వాత తన స్వీయ దర్శకత్వంలో తెరకెక్కించిన ‘కల్ట్’ సినిమాపై విశ్వక్ ఎన్నో ఆశలు పెట్టుకున్నారు.

Cult | మాస్ కా దాస్ విశ్వక్ సేన్‌కు కొంతకాలంగా బాక్సాఫీస్ వద్ద ఆశించిన విజయాలు దక్కడం లేదు. విభిన్న కథలు, కొత్త తరహా ప్రయోగాలతో ప్రేక్షకుల ముందుకు వస్తున్నప్పటికీ, వరుస పరాజయాలు ఆయన కెరీర్‌పై ప్రభావం చూపుతున్నాయి. ముఖ్యంగా ‘లైలా’ వంటి భారీ నిరాశ తర్వాత తన స్వీయ దర్శకత్వంలో తెరకెక్కించిన ‘కల్ట్’ సినిమాపై విశ్వక్ ఎన్నో ఆశలు పెట్టుకున్నారు. తెలుగు ప్రేక్షకులకు సరికొత్త స్లాషర్‌ జానర్‌ను పరిచయం చేస్తున్నానంటూ ప్రచార కార్యక్రమాల్లో ఈ సినిమాపై భారీ అంచనాలు పెంచారు. కానీ విడుదలైన మొదటి రోజే ఈ చిత్రానికి ప్రతికూల స్పందన రావడంతో విశ్వక్‌కు మరోసారి నిరాశ ఎదురైంది.

విశ్వక్ సేన్ హీరోగా నటిస్తూ దర్శకత్వం వహించిన ‘కల్ట్’ శుక్రవారం థియేటర్లలో విడుదలైంది. యూత్‌ను ప్రధానంగా లక్ష్యంగా చేసుకుని రూపొందించిన ఈ చిత్రం ప్రేక్షకులను ఆకట్టుకుంటుందని చిత్రబృందం ఆశించింది. అయితే విడుదలైన వెంటనే సినిమాకు ప్రతికూల స్పందన మొదలైంది. కథ, కథనం ప్రేక్షకులను మెప్పించలేకపోయాయనే అభిప్రాయాలు వ్యక్తమయ్యాయి. మొదటి రోజు వచ్చిన స్పందన తర్వాత వారాంతంలో అయినా వసూళ్లు పుంజుకుంటాయని ఆశించినప్పటికీ, అలాంటి పరిస్థితి కనిపించలేదని ట్రేడ్ వర్గాల అంచనాలు చెబుతున్నాయి. ముఖ్యంగా విశ్వక్ గత చిత్రం ‘లైలా’తో పోలిస్తే కూడా ‘కల్ట్’ తొలి వారాంతపు వసూళ్లు తక్కువగా ఉండటం చర్చనీయాంశంగా మారింది.

ఈ సినిమాతో విశ్వక్ సేన్ నటుడిగానే కాకుండా దర్శకుడిగానూ తన ప్రతిభను నిరూపించుకోవాలని భావించారు. కొత్త జానర్‌లో ప్రయోగం చేయడం ద్వారా ప్రేక్షకులకు భిన్నమైన అనుభూతిని అందించాలని ప్రయత్నించారు. అయితే ఆ ప్రయోగం ఆశించిన ఫలితాన్ని ఇవ్వలేకపోయింది. సినిమాపై ఆయన పెట్టుకున్న నమ్మకానికి, ప్రేక్షకుల నుంచి వచ్చిన స్పందనకు మధ్య భారీ వ్యత్యాసం కనిపించింది.వరుస పరాజయాలు ఎదురవుతున్న నేపథ్యంలో విశ్వక్ తన కథల ఎంపికపై మరింత దృష్టి పెట్టాల్సిన అవసరం ఉందనే అభిప్రాయాలు వినిపిస్తున్నాయి. ఒకప్పుడు విభిన్నమైన కథలతో యూత్‌లో మంచి గుర్తింపు తెచ్చుకున్న ఆయన.. ఇప్పుడు మళ్లీ బలమైన విజయాన్ని అందుకోవాల్సిన పరిస్థితి ఏర్పడింది. ప్రస్తుతం విశ్వక్ సేన్ ఆశలన్నీ తరుణ్ భాస్కర్ దర్శకత్వంలో నటించిన ‘ఈనగారానికి ఏమైంది రిపీట్’ సినిమాపైనే ఉన్నాయి. గతంలో వచ్చిన ‘ఈనగారానికి ఏమైంది’ చిత్రానికి ఉన్న గుర్తింపు నేపథ్యంలో ఈ కొత్త ప్రాజెక్టుపై ప్రేక్షకుల్లో ఆసక్తి నెలకొంది. ఈ సినిమా నవంబర్ 19న థియేటర్లలో విడుదల కానుంది.